આમોદ નગરમાં બંધારણના ઘડવૈયા અને ભારત રત્ન ડૉ.બાબાસાહેબ આંબેડકરની પુણ્યતિથિ નિમિત્તે નગરમાં આવેલી પ્રતિમા પાસે ફુલહાર ચઢાવી શ્રધ્ધાજંલી આપવામાં આવી હતી.જેમાં મોટી સંખ્યામાં લોકો ઉપસ્થિત રહ્યા હતાં.’ડૉ.બાબાસાહેબ આંબેડકર અમર રહો’ ‘જબ તક સુરજ ચાંદ રહેગા બાબા તેરા નામ રહેગા’જેવા સુત્રોચાર સાથે આંબેડકરને ફુલહાર ચઢાવી ભાવભીની શ્રદ્ધાંજલિ આપવામાં આવી હતી.આ પ્રસંગે આમોદ નગરપાલિકા પ્રમુખ મહેશ પટેલ,શહેર ભાજપ પ્રમુખ મહેશ શાહ, નગરપાલિકાના સદસ્યો, આમોદના અગ્રણી મુકેશ જાદવ,ભરત તલાટી,મનહર સોલંકી વિગેરે ઉપસ્થિત રહ્યા હતાં.
