છેલ્લા પાંચ દિવસમાં પેટ્રોલના ભાવમાં રૂ. ૩.20 પ્રતિ લીટરના વધારા બાદ રવિવાર સવારે ૬ કલાકથી અમલમાં આવે તે રીતે વધુ 50 પૈસા અને ડીઝલના ભાવમાં 56 પૈસા પ્રતિ લીટરના વધારાની જાહેરાત કરવામાં આવી છે.રવિવારે સવારે હવે સાદું પેટ્રોલ રૂ. 98.81 અને પ્રીમિયમ પેટ્રોલ રૂ.102.15 પ્રતિ લીટર અમદાવાદમાં મળશે.આવી જ રીતે ડીઝલના સાદું રૂ.92.99 અને ડીઝલ પ્રીમિયમ રૂ 102.84ના ભાવથી અમદાવાદમાં મળશે
ચાર રાજ્યોમાં ચૂંટણીના કારણે ભાવ વધારો સ્થગિત થયો હતો જે દરમિયાન વૈશ્વિક બજારમાં ક્રૂડ ઓઈલના ભાવ વધી રહ્યા હતા. ભારત તેની કુલ જરૂરિયાતનું 80 ટકા ક્રૂડ આયાત કરે છે એટલે ભાવ વધી રહ્યા છે. ત્રણ મહિના ભાવ સ્થિર રહ્યા હોવાથી ભારતના સ્થાનિક ભાવ લગભગ રૂ.23 પ્રતિ લીટર, પડતર કિંમત કરતા ઓછા છે. કેન્દ્ર સરકાર વર્ષ 2021ની જેમ ખોટ ભરપાઈ કરવા હવે તબક્કાવાર ભાવ વધારી રહી છે.
