ગ્રીષ્માના હત્યારા ફેનિલને ફાંસીની સજા ફટકારવામાં આવતા ગ્રીષ્માને યાદમાં પરિવારે રામધૂનનું આયોજન કર્યુ છે. ભાજપના નેતાઓ સહિત ગૃહ રાજ્યમંત્રીએ પરિવાર સાથે મુલાકાત કરી છે. ગૃહમંત્રી સાથે રેન્જ IG સહિતના ઉચ્ચપોલીસ અધિકારીઓ પણ હાજર રહ્યા હતા. પૂર્વ ધારાસભ્ય પ્રફુલ પાનસેરિયા સહિત મોટી સંખ્યામાં સ્વજનો અને આસપાસના લોકો પણ ધૂનમાં જોડાયા હતા.
ગ્રીષ્માના પરિવારને ઘટનાના માત્ર 81 દિવસમાં ન્યાય આપી દેવામાં આવ્યો છે. ત્યારે હર્ષ સંઘવી ગ્રીષ્માના પરિવારને મળવા પહોંચ્યા છે.ગ્રીષ્માનો પરિવાર હર્ષ સંઘવીને જોતા જ ડૂસકે ને ડૂસકે રડી પડ્યો હતો. હર્ષ સંઘવી પણ થોડી ક્ષણો માટે ભાવુક થઈ ગયા હતા. ગ્રીષ્માની માતાએ બે હાથ જોડી હર્ષ સંઘવીનો આભાર માન્યો હતો. હર્ષ સંઘવીએ પરિવારને દિલાસો આપ્યો હતો.