સ્પુતનિક લાઈટને બૂસ્ટર ડોઝ તરીકે ઉપયોગ કરવા માટે કેન્દ્ર દ્વારા આગળ વધવાની સાથે સાથે સ્પુતનિક વીના પ્રથમ ડોઝ લેનારા લગભગ 650,000 લોકો હવે ખાનગી રસીકરણ કેન્દ્ર પરથી વેક્સિનનો ઉપયોગ કરી શકશે.
આ મામલે સૂત્રોએ નામ ન આપવાની શરતે જણાવ્યું હતું કે, વિવરણ ટૂંક સમયમાં શેર કરવામા આવશે અને એ નક્કી કરવા માટે પ્રક્રિયાને ઝડપથી શરૂ કરવામા આવશે કે, જે લોકોએ સ્પુતનિક વી લીધી છે, તેમને તેનો જ બૂસ્ટર ડોઝ મળી રહે. થોડા અઠવાડીયામાં બધું સ્પષ્ટ થઈ જશે.
ફાર્મા કંપની ડો. રેડ્ડીઝ લેબોરેટરીઝ (જેની પાસે ભારતમાં રશિયા એન્ટી કોવિડ વેક્સિનના વેચાણ અને વિતરણનો અધિકાર છે.) એ કોવિન પ્લેટફોર્મ પર વિકલ્પ આપવા માટે મેન્યુફેક્ચરિંગ પાર્ટનર્સ, હોસ્પિટલો અને સરકારની સાથએ ચર્ચા પણ શરૂ કરી દીધી છે.
ડો. રેડ્ડીના નિવેદનમાં કહેવાયુ છે કે, આ અઠવાડીયે સ્પુતનિક વીના ઘટક 1ને ખાનગી કેન્દ્રોમાં પ્રશાસને મંજૂરી આપી દીધી હતી, જે એ લોકો માટે બૂસ્ટર ડોઝ તરીકે હતો, જેમણે સ્પુતનિક વીને પોતાના પ્રથમ ડોઝ તરીકે લીધો હતો.
સૂત્રએ જણાવ્યું છે કે, ગત વર્ષે, શરૂઆત ડોઝ રશિયાથી આવ્યા હતા, પણ બૂસ્ટર ડોઝ ભારતીય નિર્માતાઓને જરૂરી ડોઝનું ઉત્પાદન કરવા માટે કહેવામાં આવ્યું છે. આ માત્રા બહુ મોટી નથી, એટલા માટે તમામને ઉત્પાદન કરવા માટે કહી શકાય નહીં.
