નેત્રંગ તાલુકાના આટખોલ ગામે નેત્રંગ પોલીસનો સપાટો.
કુખ્યાત શકુનિયોને પોલીસે ઝડપી પાડી જેલ ભેગા કર્યા
નેત્રંગ પોલીસે 2.50 લાખ ઉપરાંતનો મુદ્દામાલ કબ્જે કરી વધુ કાર્યવાહી હાથ ધરી
નેત્રંગ તાલુકામાં પોલીસે ફરી લાલ આંખ કરી, આટખોલ ગામની સીમમાં જુગારધામ પર રેડ કરતા 2.50 લાખ ઉપરાંતનાં મુદ્દામાલ સાથે ચાર આરોપીને રંગે હાથ પકડી જેલ ભેગા કર્યા હતા,
નેત્રંગ પોલીસ સ્ટેશન પેટ્રોલિંગમાં હતી તે દરમિયાન બાતમી મળેલ કે આટખોલ ગામની સીમમાં આવેલ અરવિંદભાઇ કાઠીયાવાડીના ખેતર નાં પુર્વ તરફ સામેની દિશાએ કોતરડીની બાજુમાં આવેલ ખેતરનાં છેડા ઉપર આવેલ લીમડાનાં ઝાડ નીચે આટખોલ ગામનો વિનોદભાઇ પ્રતાપભાઇ વસાવા તથા કોયલીમાંડવી ગામનો અરવિંદભાઇ દેવજીભાઇ વસાવા ના ઓ મળીને સંયુક્ત રીતે આજુબાજુ ગામનાં તથા રાજપીપળા તથા ડેલી પીઠોર ગામના બહારનાં વિસ્તારનાં ઇસમોને બહારથી બોલાવી ભેગા કરી પત્તા પાના વડે રૂપિયાની હારજીતનો જુગાર રમી રમાડે છે
જે બાતમી આધારે ઉપરોક્ત જગ્યાએ પંચો સાથે રેઈડ કરતા સ્થળ ઉપર કુલ ચાર આરોપી સ્થળ પરથી પકડાઈ ગયેલ તે ચારેવ આરોપીઓની અંગ જડતીમાંથી રોકડા રૂપિયા તથા દાવ ઉપરથી મળેલા રોકડા તેમજ મોબાઇલ ફોન નંગ .2 તથા મોટર સાયકલ નંગ 5 મળી કુલ કિંમત રૂપિયા 2 લાખ50 હજાર ઉપરાંતનો મુદ્દામાલ જપ્ત કરી આરોપીઓ વિરુધ્ધ ગુનો દાખલ કરી કાયદેસરની કાર્યવાહી હાથ ધરેલ છે
વિડિઓ જર્નલિસ્ટ મિતેષ આહીર સાથે સત્યા ટીવી નેત્રંગ
