કાર્તિક આર્યાનની હાલની ફિલ્મ ભૂલ ભૂલેયા 2 કરતા ‘સમ્રાટ પૃથ્વીરાજ’ પાછળ જોવા મળી છે
અક્ષય કુમારની નવી ફિલ્મ ‘સમ્રાટ પૃથ્વીરાજ’ 3 જૂન એટલે કે આજે સિનેમાઘરોમાં રિલિઝ થઈ છે. ઘણા લાંબા સમયથી અક્કીની આ ફિલ્મ રિલિઝ આટકી હતી. સાથે જ ટ્રેલર સામે આવતા લોકોએ મિશ્ર પ્રતિક્રિયા આપી હતી. આ ફિલ્મ રિલિઝ થતાની સાથે જ એડવાન્સ બુકિંગનો રિપોર્ટ સામે આવ્યો છે. હાલના રિપોર્ટ અનુસાર અક્ષય કુમારની આ ફિલ્મનું એડવાન્સ બુકિંગ ખૂબ ધીમું જોવા મળ્યું છે. સાથે જ કાર્તિક આર્યાનની હાલની ફિલ્મ ભૂલ ભૂલૈયા 2 કરતા ‘સમ્રાટ પૃથ્વીરાજ’ પાછળ જોવા મળી છે. આવી સ્થિતીમાં અનુમાન લાગવામાં આવ્યું છે કે, પહેલા દિવસે અક્ષયની ફિલ્મ બોક્સ ઓફિસ પર વધારે કમાલ કરી શકશે નહીં.
અક્ષય કુમારની આ ફિલ્મથી માનુષી છિલ્લર પોતાનું બોલીવૂડ ડેબ્યૂ કરી રહી છે. છેલ્લા કેટલાક દિવસોથી અક્ષય કુમાર અને માનુષી છિલ્લર તેમની ફિલ્મના પ્રમોશનમાં જોરશોરથી વ્યસ્ત છે. સમ્રાટ પૃથ્વીરાજને લઈને સોશિયલ મીડિયા બઝ જોઈને લાગી રહ્યું હતું કે, અક્ષયની આ ફિલ્મ ભાગ્યે જ કમાણી કરી શકશે. જો જોવામાં આવે તો અક્ષય કુમારની છેલ્લી રીલિઝ થયેલી કેટલીક ફિલ્મો બોક્સ ઓફિસ પર માંડ ચાલી હતી. સાથે જ હવે ફિલ્મ નિષ્ણાતોને એ ડર છે કે, બેક ટુ બેક ફ્લોપ ફિલ્મોની યાદીમાં સમ્રાટ પૃથ્વીરાજનો પણ સમાવેશ ન થાય.
અહેવાલ અનુસાર, કાર્તિક આર્યનની ફિલ્મ ભૂલ ભુલૈયા 2ના એડવાન્સ બુકિંગ દરમિયાન 30 હજાર ટિકિટ વેચાઈ હતી. RR રાજામૌલીની બિગ બજેટ ફિલ્મે એડવાન્સ બુકિંગમાં 3 હજારથી ઓછી ટિકિટ વેંચી હતી. સાથે જ હવે એડવાન્સ બુકિંગ દરમિયાન ‘સમ્રાટ પૃથ્વીરાજ’ની હાલત RRR કરતા પણ વધારે ખરાબ છે. જોકે હાલમાં અક્ષય કુમારની આ ફિલ્મ અનેક કારણોસર વિવાદોમાં જોવા મળી રહી છે. હાલમાં ‘સમ્રાટ પૃથ્વીરાજ’ને યૂપી, એમપી, ઉત્તરાખંડ સહિતનાં રાજ્યોમાં રિલિઝ કરવામાં આવી છે.
