દહેજના લખીગામ ગામ નજીક આવેલ કંપનીમાં ભીષણ આગ
રોહા ડાયકેમ કંપનીમાં ભીષણ આગ ફાટી નીકળતા દોડધામફાયર ફાયટરોએ ઘટના
સ્થળે પહોંચી આગ કાબુમાં લેવા કર્યા પ્રયાસસેફટી એન્ડ હેલ્થ વિભાગની ટીમ ઘટના સ્થળે પહોંચી કાર્યવાહી હાથ ધરી બે કલાક ઉપરાંતની ભારે જહેમત બાદ આગ પર કાબુ મેળવાયો
દહેજ લખીગામ ખાતે સેઝ-2માં આવેલી રોહા ડાઇકેમ કંપનીમાં મંગળવારે રાત્રે કોઇકારણસર આગ ભભુકી ઉઠી હતી. જોતજોતામાં આગે વિકરાળરૂપ ધારણ કર્યું હતું. આગ વધુ પ્રસરતાં કંપનીમાં કામ કરી રહેલાં કર્મચારીઓમાં દોડધામ મચી ગઇ હતી.
દહેજ પાસે આવેલાં લખીગામ ખાતે સેઝ-2માં આવેલી ડાઇકેમ કંપનીમાં મોડીરાત્રે અચાનક આગ લાગી હતી. જોતજોતામાં આગ વધુને વધુ પ્રસરતાં કંપનીના એકભાગને આગે ચપેટમાં લઇ લીધી હતી. આગની ઘટનાને પગલે કંપનીમાં કામ કરતાં કામદારોમાં નાસભાગ મચી ગઇ હતી. ઘટનાને પગલે આસપાસની કંપનીઓના લાશ્કરોએ તુરંત સ્થળ પર દોડી આવી આગને કાબુમાં લેવા માટેનો પ્રયાસ કર્યો હતો.ઘટનાની જાણ આસપાસની કંપનીઓને થતાં ડીસીએમ, સેઝ 1-2, આરતી ઇન્ડસ્ટ્રીઝ, સ્ટર્લિંગ ઓક્ઝિલરીઝ કંપનીના લાશ્કરો તુરંત સ્થળ પર દોડી આવ્યાં હતાં. તેમણે પાણી-ફર્મનો મારો ચલાવી આગને કાબુમાં લેવાનો પ્રયાસ કર્યો હતો. અંદાજિત 2 કલાકની ભારે જહેમતબાદ પાંચ કંપનીના ફાયર ફાયટરોએ આગ પર કાબુ મેળવ્યો હતો. સદનશીબે ઘટનામાં કોઇજાનહાની નહિ નોંધાતા તંત્રએ પણ રાહતનો શ્વાસ લીધો હતો.
વિડીયો જર્નાલિસ્ટ સહદેવ ગોહિલ સાથે જફર ઘડીમલ સત્યા ટીવી દહેજ
