સ્વ.અહેમદ પટેલના પુત્રી મુમતાઝ રાજકારણમાં સક્રિય ભૂમિકામાં દેખાઈ શકે
મુમતાઝ પટેલે ભરુચ ખાતે આપ્યા સંકેત
ટિકિટ મળશે અને જનતા જનાર્દનનો સહકાર રહેશે તો ચૂંટણી લડીશું
કૉંગ્રેસના દિગ્ગજ નેતા સ્વ. અહેમદ પટેલના પુત્રી મુમતાઝ પટેલ ટૂંક સમયમાં રાજકારણમાં સક્રિય ભૂમિકામાં દેખાઈ શકે છે.ભરુચ ખાતે એક કાર્યક્રમ મા ઉપસ્થિતિ દરમ્યાન તેમને આ અંગેના સંકેત આપ્યા હતા
કેન્દ્રીય રાજકારણ અને કોંગ્રેસ ના દિગ્ગજ નેતા સ્વ.એહમદ ભાઈ પટેલ ના નિધન બાદ ભરુચ થી દિલ્હી સુધી કોંગ્રેસમાં ખાલીપો જોવા મળી રહ્યો છે.અહેમદભાઈ પટેલ ની હયાતી મા સક્રિય રાજકારણ થી દુર રહેલા તેમના પુત્ર અને પુત્રી ના રાજકારણ મા સક્રિય થવાની અટકળો થતી રહે છે.ત્યારે તેમના પુત્રી મુમતાઝ પટેલે ભરુચ ખાતે એક કાર્યક્રમ મા ઉપસ્થિતિ દરમ્યાન સક્રિય રાજકારણ મા આવવા નાં સંકેત આપ્યા છે.
અહેમદ પટેલ ના સામાજિક સેવાકીય કાર્યો ને આગળ ધપાવતા મુમતાઝ પટેલે ટિકિટ મળે અને જનતા જનાર્દન નો સહકાર હશે તો મળશે અને જનતા જનાર્દન નો સહકાર રહેશે તો ચૂંટણી લડીશું તેમ કહ્યું હતું.જોકે કોંગ્રેસમાંથીજ રાજકારણમાં પ્રવેશ અંગે હાલ કોઈ સ્પષ્ટતા કરી ન હતી.તેવો એ હાલમાં કોંગીજનો ના ભાજપ આગમન અંગે તકલીફ થઈ રહી હોવાનું કહી આ સિલસિલો બદલવો પડશે તેમ પણ કહ્યું હતું. આગામી ગુજરાત વિધાનસભા ની ચુંટણી ના પડઘમ વાગી રહ્યા છે ત્યારે મુમતાઝ પટેલ ની વધતી સક્રિયતા અને સક્રિય રાજકારણ ના સંકેત થી ભાજપ સહિત અન્ય રાજકીય પક્ષો મા પણ કુતૂહલ સાથે ચર્ચા જાગી છે
વિડિઓ જર્નલિસ્ટ વીરેન્દ્ર પાટીલ સાથે સત્યા ટીવી ભરૂચ
