ભારતમાંથી ઓસ્કારમાં જઈ રહેલી ફિલ્મની છેલ્લા કેટલાક દિવસોથી સતત ચર્ચા થઈ રહી હતી. વર્ષની બે મોટી ફિલ્મો ‘ધ કશ્મીર ફાઇલ્સ’ અને ‘RRR’ વચ્ચે કઠિન સ્પર્ધા માનવામાં આવી રહી હતી.યૂઝર્સ સોશિયલ મીડિયા પર સતત અનુમાન લગાવી રહ્યા હતા કે આ બેમાંથી કોઈ એક ફિલ્મ ભારતનું પ્રતિનિધિત્વ કરશે પરંતુ એવું થવાનું નથી. ગુજરાતી ફિલ્મ ‘Chhello Show’ એ બંને ફિલ્મોને માત આપીને જીત મેળવી છે. આ ફિલ્મ ભારતમાંથી સત્તાવાર રીતે ઓસ્કાર માટે મોકલવામાં આવશે.
આજે મંગળવારે ફિલ્મ ફેડરેશન ઓફ ઈન્ડિયાએ જાહેરાત કરી કે ‘Chhello Show’ ને ઓસ્કાર એન્ટ્રી માટે શોર્ટલિસ્ટ કરવામાં આવ્યો છે. ગુજરાતી ભાષાની ફિલ્મની વિશ્વભરના વિવેચકો અને પ્રેક્ષકો દ્વારા પ્રશંસા કરવામાં આવી છે. હવે તે 14 ઓક્ટોબર 2022ના રોજ ગુજરાત અને દેશના પસંદગીના થિયેટરોમાં રિલીઝ થશે. આ ફિલ્મનું નિર્દેશન પાન નલિન દ્વારા કરવામાં આવ્યું છે. તેમાં ભાવરી રાબડી, રિચા મીના, દીપેન રાવલ, ભાવેશ શ્રીમાળી અને પરેશ મહેતા મહત્વની ભૂમિકામાં છે.
‘Chhello Show’ ઘણા આંતરરાષ્ટ્રીય ફિલ્મ ફેસ્ટિવલમાં બતાવવામાં આવ્યો છે જ્યાં તેને ઘણી પ્રશંસા મળી છે. રોબર્ટ ડી નીરોના ટ્રિબેકા ફિલ્મ ફેસ્ટિવલમાં ઓપનિંગ ફિલ્મ તરીકે આ ફિલ્મનું વર્લ્ડ પ્રીમિયર થયું હતું. તેણે સ્પેનના 66મા વેલાડોલિડ ફિલ્મ ફેસ્ટિવલમાં ગોલ્ડન સ્પાઇક સહિત અન્ય આંતરરાષ્ટ્રીય ફિલ્મ ફેસ્ટિવલમાં પુરસ્કારો જીત્યા હતા.
ધમાલ મચાવીને, ‘Chhello Show’ એ ઓસ્કારની રેસમાં ‘ધ કાશ્મીર ફાઇલ્સ’ અને ‘RRR’ ને હરાવ્યા. ‘છેલો શો’ની વાર્તા ગ્રામીણ ગુજરાતની ફિલ્મો પ્રત્યેના બાળકના પ્રેમને દર્શાવે છે, જે પાન નલિનની પોતાની યાદોથી પ્રેરિત છે.