તમે ઘણીવાર ટ્વિટર પર, અખબારોમાં, ટીવી પર અથવા વેબસાઇટ્સ પર સેલિબ્રિટીઝના સ્ક્રીનશોટ જોશો. આ શક્ય બન્યું કારણ કે ટ્વિટર પર કોઈપણ યુઝરો કોઈપણની ટ્વિટનો સ્ક્રીનશોટ લઈ શકે છે. પરંતુ હવે સોશિયલ મીડિયા પ્લેટફોર્મ ટ્વિટર યુઝર્સને સ્ક્રીનશોટ લેવાથી રોકી રહ્યું છે.
મીડિયા રિપોર્ટ્સ અનુસાર, ટ્વિટર હવે યુઝર્સને ટ્વીટનો સ્ક્રીનશોટ લેવાને બદલે તેને લોકો સાથે શેર કરવાનું કહી રહ્યું છે. જ્યારે ટ્વિટર પર યુઝર્સ ટ્વીટનો સ્ક્રીનશોટ લઈ રહ્યા છે, ત્યારે તેમને કંપની તરફથી સૂચના મળી રહી છે કે તેઓ સ્ક્રીનશોટને બદલે આ ટ્વીટ શેર કરવા કહે. ઘણા ટ્વિટર યુઝર્સે પણ આ અંગે જાણ કરી છે.
સ્ક્રીનશોટ લેતી વખતે Twitter કેટલાક યુઝરોને પોપ-અપ સૂચના મોકલી રહ્યું છે. જેમાં તેને તે ટ્વીટ શેર કરવાની સલાહ આપવામાં આવી રહી છે. પરંતુ સવાલ એ થાય છે કે કંપની હવે આવું કેમ કરી રહી છે. મીડિયા રિપોર્ટ્સ અનુસાર, ટ્વિટર હવે નથી ઈચ્છતું કે યુઝર્સ ટ્વીટના સ્ક્રીનશોટ લઈ શકે. તેની પાછળ કંપનીનો હેતુ તેના પ્લેટફોર્મ પર નવા યુઝર્સને ઉમેરવાનો હોઈ શકે છે. કારણ કે સ્ક્રીનશૉટ ફોટો તરીકે જાય છે અને લોકો તેને જોવાનું બંધ કરી દે છે. પરંતુ જ્યારે યુઝર ટ્વિટની લિંક પર જાય છે, ત્યારે તે સીધો ટ્વિટરના પ્લેટફોર્મ પર જાય છે. એકવાર યુઝરો ટ્વિટરને ઍક્સેસ કરી લે, તે પ્લેટફોર્મ તરફ આકર્ષિત થઈ શકે છે અને તેમાં જોડાઈ શકે છે.
ટ્વિટરે યુએસમાં એડિટ બટન રોલઆઉટ કરવાનું શરૂ કર્યું છે. હાલમાં, આ સુવિધા ફક્ત ટ્વિટરના બ્લુ સબસ્ક્રાઇબર્સ માટે જ ઉપલબ્ધ હશે. જોકે, આ ફીચર કેનેડા, ઓસ્ટ્રેલિયા અને ન્યુઝીલેન્ડમાં પહેલાથી જ ઉપલબ્ધ છે. પરંતુ ભારતમાં આ સુવિધા હજુ ઉપલબ્ધ નથી.
