મોટાભાગના PI ને લિવ રિઝર્વ પોલીસ કંટ્રોલમાંથી પોલીસ મથકોમાં મુકવામાં આવ્યા
વડોદરામાં ચૂંટણી પહેલા વધુ એક વખત બદલીનો દોર જારી છે. વડોદરામાં 8 પોલીસ ઈન્સ્પેકટરની આંતરિક બદલી કરવામાં આવી છે. જેમાં મોટાભાગના PIને લિવ રિઝર્વ પોલીસ કંટ્રોલરૂમમાંથી પોલીસ મથકોમાં મુકવામાં આવ્યા છે. ચૂંટણી પહેલા બદલી કોઈ નવી વાત નથી. પણ વડોદરામાં છેલ્લા કેટલાય સમયથી પોલીસ વિભાગમાં આંતરિક બદલીઓ સામે આવતી રહે છે.
જો કે, અગાઉ કેટલાક કિસ્સાઓમાં વગોવાઈ ગયેલા પોલીસ કર્મીઓની બદલી કરવામાં આવી હોવાનું પણ સામે આવી ચૂક્યું છે. તો બીજી તરફ ચૂંટણી પહેલા ઉચ્ચ અધિકારીઓની બદલીઓ પણ હાથવેંત જ હોવાનું મનાઇ રહ્યું છે. બદલીઓ અંગે આગળ શું થાય છે તેના પર સૌકોઈની નજર રહેલી છે.
