સુરતમાં બર્ગર કિંગમાં લાગી આગ
ફાયર બ્રિગેડના જવાનોનો કાફલો ઘટના સ્થળે પહોચ્યોં
મહિલા કર્મચારી દાઝી જતા હોસ્પિટલ ખસેડાઈ
સુરતના સરથાણા વિસ્તારમાં આવેલ એક રેસ્ટોરેન્ટમાં આજે સવારે અચાનક આગ ફાટી નીકળી હતી.ઘટનાને પગલે ત્યાં હજાર લોકો તમેજ કર્મચારીઓમાં ભાગદોડ મચી ગઈ હતી.ઘટના અંગે જાણ કરવામાં આવતા અલગ અલગ ફાયર સ્ટેશનથી ફાયર બ્રિગેડના જવાનોનો કાફલો ઘટના સ્થળે પહોચ્યોં હતો અને આગને કન્ટ્રોલમાં લેવાની કવાયત હાથ ધરી હતી.
ફાયર ઓફિસર વાળા પાસેથી મળતી માહિતી મુજબ સરથાણા જકાતજકાતનાકા તક્ષશિલા પાસે આવેલ અવધ વિક્ટોરિયા બિલ્ડિંગના ગ્રાઉન્ડ ફૂલોર ઉપર બર્ગર કિંગ રેસ્ટોરેન્ટ આવેલી છે.દરમિયાન આજે સવારે આઠેક વાગ્યે રેસ્ટોરેન્ટમાં આગ ફાટી નીકળી હતી.જોત જોતામાં આગ આખા રેસ્ટોરેનમાં પ્રસરી ગઈ હતી જેના પગલે ત્યાં કામ કરી રહેલા કર્મચારીઓ તેમજ હાજર લોકોમાં ભાગદોડ મચી ગઈ હતી.ઘટના અંગે જાણ કરવામાં આવતા
કાપોદ્રા અને મોટા વરાછા ફાયર સ્ટેશનથી ફાયર બ્રિગેડના જવાનોનો કાફલો ઘટના સ્થળે પહોંચ્યો હતો અને આગને કન્ટ્રોલમાં લેવાની કવાયત હાથ ધરી હતી.ફાયરના ઓફિસર એ જણાવ્યું હતું કે, ગેસ લીકેજના કારણે આગ લાગી હતી.આગની લપેટમાં આવતા યમુના વળવી (ઉ.વ.28 ) નામની મહિલા કર્મચારી હાથના ભાગે દાઝી ગઈ હતી.તેમજ કાચનો દરવાજો તૂટી ગયો હતો અને મશીનરી પણ બળી ગઈ હતી.
વિડિઓ જર્નાલિસ્ટ કે સી વઘાસિયા સાથે સત્યા ટીવી સુરત
