ભરૂચના શેરપુરા પાસે દહેજ તરફથી આવતી ખાનગી કંપનીની બસે એકટીવા ચાલકને ટક્કર મારતા અકસ્માત સર્જાયો હતો. એકને ઈજાઓ પહોચતા સારવાર અર્થે ખસેડાયો હતો.
છેલ્લા કેટલાક સમયથી દહેજ બાયપાસ પાસે અકસ્માતોની ઘટનાઓ બની રહી છે. ત્યારે આજરોજ વહેલી સવારે ભરૂચના શેરપુરા નજીક દહેજ તરફથી ધસી આવેલ ખાનગી કંપનીની બસ નં GJ-૦૬.BT-૦૦૫૩એ એકટીવાને ટક્કર મારતા અકસ્માત સર્જાયો હતો. આ અકસ્માતમાં એકટીવા સવારને ઈજાઓ પહોંચી હતી. ઘટનાને પગલે સ્થાનિકો સ્થળ પર દોડી આવ્યા હતા. અને ઈજાગ્રસ્તને સારવાર અર્થે હોસ્પિટલ ખાતે ખસેડયો હતો. બનાવને પગલે શેરપુરા પાસે ટ્રાફિક જામની પરિસ્થિતિનું નિર્માણ થવા પામ્યું હતું.
વિડિઓ જર્નાલિસ્ટ વીરેન્દ્ર પાટીલ સાથે સત્યા ટીવી ભરૂચ
