ઉર્વશી રૌતેલાએ ઈરાની મહિલાઓને આપ્યું સમર્થન : તેમના સમર્થનમાં કપાવ્યા વાળ

ઈરાની મહિલાઓના સમર્થનમાં બોલિવૂડ સેલેબ્સ આગળ આવી રહ્યા છે. પ્રિયંકા ચોપરા બાદ હવે બોલિવૂડ અભિનેત્રી ઉર્વશી રૌતેલા મહિલાઓના સમર્થનમાં આગળ આવી છે.

ઈરાનમાં લાંબા સમયથી હિજાબ વિરુદ્ધ વિરોધ પ્રદર્શન ચાલી રહ્યા છે. એક તરફ જ્યાં સામાન્ય લોકો વીડિયો શેર કરીને સોશિયલ મીડિયા પર મહિલાઓ પર થતા અત્યાચાર સામે અવાજ ઉઠાવી રહ્યા છે. બીજી તરફ ઈરાની મહિલાઓના સમર્થનમાં બોલિવૂડ સેલેબ્સ આગળ આવી રહ્યા છે.

પ્રિયંકા ચોપરા બાદ હવે બોલિવૂડ અભિનેત્રી ઉર્વશી રૌતેલા મહિલાઓના સમર્થનમાં આગળ આવી છે. આટલું જ નહીં, અભિનેત્રીએ છોકરીઓની હત્યાના વિરોધમાં પોતાના વાળ પણ કાપી નાખ્યા છે. ઉર્વશી રૌતેલાએ પોતે સોશિયલ મીડિયા પર કેટલીક તસવીરો શેર કરીને આ વિશે માહિતી આપી છે.

સામે આવેલા વીડિયોમાં અભિનેત્રી જમીન પર બેઠેલી જોવા મળી રહી છે. તેની બાજુમાં જમીન પર બેઠેલો એક વ્યક્તિ તેના વાળ કાપી રહ્યો છે. તસવીરો શેર કરતાં ઉર્વશીએ લખ્યું, ‘હું મારા વાળ કપાવી રહી છું’. ઈરાની મોરલ પોલીસ દ્વારા ધરપકડ કરવામાં આવ્યા બાદ માશા અમીનીનું અવસાન થયું હતું. પ્રદર્શન દરમિયાન ઘણી ઈરાની મહિલાઓ અને છોકરીઓએ જીવ ગુમાવ્યો હતો. જ્યારે ઉત્તરાખંડની 19 વર્ષની અંકિતા ભંડારી… આ તમામ મહિલાઓના સમર્થનમાં હું મારા વાળ કપાવી રહી છું.

ઉર્વશીએ આગળ લખ્યું, ‘આખી દુનિયામાં મહિલાઓ વાળ કાપીને ઈરાન સરકારનો વિરોધ કરી રહી છે. સ્ત્રીઓનું સન્માન કરો. તમને જણાવી દઈએ કે વાળને મહિલાઓની સુંદરતા તરીકે જોવામાં આવે છે. જાહેરમાં વાળ કાપીને મહિલાઓએ સમાજને બતાવી દીધું કે તેમને સમાજની પરવા નથી. ઉર્વશીએ કહ્યું છે કે તેને શું પહેરવું જોઈએ, તેણે કેવું વર્તન કરવું જોઈએ અને તેણે કેવી રીતે જીવવું જોઈએ તે તે બીજા કોઈને નક્કી કરવા દેશે નહીં.

ઉર્વશી રૌતેલા પહેલા ગ્લોબલ આઈકન પ્રિયંકા ચોપરા પણ મહિલાઓના સમર્થનમાં સામે આવી છે. તે જ સમયે, વેબ સીરિઝ સેક્રેડ ગેમ્સની અભિનેત્રી એલનાઝ નૌરોજીએ પણ મહિલાઓના સમર્થનમાં વીડિયો શેર કર્યો છે. ઉલ્લેખનીય છે કે, ઈરાન સરકારે મહિલાઓ માટે હિજાબ પહેરવાનું ફરજિયાત બનાવ્યું છે, જેના કારણે ત્યાંની મહિલાઓ તેનો વિરોધ કરી રહી છે.