જી.આઈ.ડી.સી.માં આવેલ એક વિસ્તારમાં બાજુમાં રહેતી ૧૨ વર્ષીય બાળકીને પાડોશી યુવાને બોલાવી તેને ચોકલેટ લેવા માટે ૧૦ રૂપિયા આપ્યા હતા
અંકલેશ્વર જી.આઈ.ડી.સી.પોલીસ મથકના હદમાં પાડોશીએ 12 વર્ષની બાળકીને ચોકલેટ ખવડાવવાની લાલચ આપી રૂમમાં લઇ જઈ શારીરિક અડપલા કરી દુષ્કર્મનો પ્રયાસ કરતા નરાધમ આરોપીની પોલીસે ધરપકડ કરી વધુ તપાસ હાથ ધરી છે.
અંકલેશ્વર જી.આઈ.ડી.સી.માં આવેલ એક વિસ્તારમાં બાજુમાં રહેતી ૧૨ વર્ષીય બાળકીને પાડોશી યુવાને બોલાવી તેને ચોકલેટ લેવા માટે ૧૦ રૂપિયા આપ્યા હતા અને રૂમમાં લઈ જઈ બાળકીના પગ બાંધી દીધા હતા. બાદમાં બાળકી સાથે શારીરિક અડપલા કર્યા હતા. નરાધમ બાળકી પર દુષ્કર્મ આચારે એ પૂર્વે બાળકીની માતા પહોંચી ગઈ હતી અને બાળકીને મુક્ત કરાવી હતી. બનાવની જાણ થતાની સાથે જ જીઆઈડીસી પોલીસનો કાફલો ઘટના સ્થળે પહોંચ્યો હતો અને આરોપીની ધરપકડ કરી કાયદેસરની કાર્યવાહી હાથ ધરી હતી.પોલીસે રોહિત શંભુ ઠાકોરની ધરપકડ કરી તેના વિરુદ્ધ પોક્સો એક્ટ મુજબનો ગુનો નોંધી વધુ તપાસ હાથ ધરી છે.
