રત ક્રાઈમ બ્રાંચની ટીમે ડ્રગ્સના જથ્થા સાથે બે ઈસમોને ઝડપી પાડ્યા
પોલીસે ૧૯.૪૫ ગ્રામ એમડી ડ્રગ્સ કબજે કર્યું
બંને આરોપીઓ મુંબઈથી ડ્રગ્સ લાવ્યા હોવાની કબુલાત કરી
સુરત ક્રાઈમ બ્રાંચની ટીમે બાતમીના આધારે સીમાડા ચેક પોસ્ટ પાસેથી ફોરવ્હીલ કારમાં ડ્રગ્સના જત્થા સાથે બે ઈસમોને ઝડપી પાડ્યા છે. પોલીસે ૧,૯૪,૫૦૦ રૂપિયાની કિમતનું ૧૯.૪૫ ગ્રામ એમડી ડ્રગ્સ કબજે કર્યું છે. બંને આરોપીઓ મુંબઈથી ડ્રગ્સ લાવ્યા હોવાની કબુલાત કરી હતી
સુરત પોલીસ દ્વારા નો ડ્રગ્સ ઇન સુરત સીટી અભિયાન શરુ કરવામાં આવ્યું છે. જે અંતર્ગત ડ્રગ્સનો વેપલો કરતા ઈસમોને ઝડપી પાડી કાયદેસરની કાર્યવાહી હાથ ધરવામાં આવી રહી છે. આ દરમ્યાન સુરત ક્રાઈમ બ્રાંચની ટીમને બાતમી મળી હતી કે કેટલાક ઈસમો કારમાં ડ્રગ્સ લાવી રહ્યા છે. બાતમીના આધારે પોલીસે સીમાડા ચેક પોસ્ટ પાસે વોચ ગોઠવી મરુન કલરની કારને ઝડપી પાડી હતી. પોલીસે કારમાં તપાસ કરતા તેમાંથી ૧,૯૪,૫૦૦ રૂપિયાની કિમતનું ૧૯.૪૫ ગ્રામ એમડી ડ્રગ્સ મળી આવ્યું હતું. જેથી પોલીસે કાર, ૧.૦૧ લાખની રોકડ, મોબાઈલ, તેમજ ડ્રગ્સ મળી કુલ ૪.૩૦ લાખનો મુદામાલ કબજે કર્યો હતો આ ઘટનામાં પોલીસે નાના વરાછા ચોપાટી પાસે રહેતા શૈલેષભાઈ નાથુભાઈ પટેલ અને ડ્રાઈવર સીટની બાજુની સીટ ઉપર બેસેલા અને મોટા વરાછા લજામણી ચોક પાસે રહેતા કમલેશ બાવનજીભાઈ ચોવટિયા નામના ઇસમની ધરપકડ કરવામાં આવી છે. પોલીસે આરોપીઓની કડક પૂછપરછ કરતા આરોપીઓ ડ્રગ્સનો જથ્થો મુંબઈ મીરા ભાઈદર રોડ ખાતે એક ઇસમ પાસેથી ખરીદી કરી ફોરવ્હીલ ગાડીમાં લઇ આવ્યા હોવાની કબુલાત કરી હતી. આ સમગ્ર મામલે આરોપીઓ સામે સારોલી પોલીસ મથકમાં ગુનો નોધવામાં આવ્યો છે પોલીસ દ્વારા આ સમગ્ર મામલે ઊંડાણ પૂર્વક તપાસ શરુ કરવામાં આવી છે.
