વાલિયા ગામમાં પુત્રની બાબરીના પ્રસંગમાં નાચતી વખતે બે ઈસમોએ કરી મારામારી
બાબરીના પ્રસંગમાં નાચતી વેળાએ યુવાનને માર મારતા પોલીસ ફરિયાદ નોંધાઈ
માથાકૂટ કરી કરન વસાવાને લાકડાના સપાટા વડે માર માર્યો
મારામારી અંગે વાલિયા પોલીસે ગુનો નોંધી તપાસ હાથ ધરી
વાલિયા તાલુકાના ભિલોડ ગામની સ્કુલ પાસે બાબરીના પ્રસંગમાં નાચતી વેળા કોણી વાગવાની રીસ રાખી બે ઈસમોએ યુવાનને માર મારતા પોલીસ ફરિયાદ નોંધાઈ
વાલિયા તાલુકાના ભિલોડ ગામના તળાવ ફળિયામાં રહેતા કરન કાનજી વસાવા ગામમાં કિશન વસાવાના પુત્રની બાબરીના પ્રસંગમાં તેઓના મિત્રો સાથે નાચવા ગયા હતા તે વેળા પીન્કેશ ભરત વસાવાને નાચતી વખતે કોણી વાગી પીન્કેશ ભરત વસાવા અને પીન્કેશ રવિયા વસાવાએ ઝઘડો કર્યો હતો જે ઝઘડાને પગલે યુવાન પોતાના ઘર તરફ જઈ રહ્યો હતો તે દરમિયાન ગામની સ્કુલ પાસે બંને ઈસમો ધસી આવી નાચવા બાબતની રીસ રાખી ફરી ઝઘડો કરી માથાકૂટ કરી કરન વસાવાને લાકડાના સપાટા વડે માર માર્યો હતો આ મારામારી અંગે વાલિયા પોલીસે ગુનો નોંધી તપાસ હાથ ધરી છે.
વિડીયો જર્નાલિસ્ટ સંજય વસાવા સાથે સત્યા ટીવી વાલિયા