વાલિયા પોલીસે ભિલોડ ગામ જવાના માર્ગ ઉપરથી વિદેશી દારૂ ભરી જતા ધારોલી ગામના બુટલેગરને ૨.૫૧ લાખથી વધુના મુદ્દામાલ સાથે ઝડપી પાડ્યો હતો
વાલિયા પોલીસ મથકનો સ્ટાફ પેટ્રોલીંગમાં હતો તે દરમિયાન બાતમી મળી હતી કે ધારોલી ગામનો બુટલેગર સુનીલ વિનોદ વસાવા ઇક્કો કાર નંબર-જી.જે.૦૬.એ.ઝેડ.૮૦૪૨માં વિદેશી દારૂનો જથ્થો ભરી ધારોલી ખાતે જઈ રહ્યો છે જેવી બાતમીના આધારે પોલીસે ભિલોડ તરફ જવાના માર્ગ ઉપર વોચ ગોઠવી હતી તે દરમિયાન બાતમી વાળી ઇક્કો આવતા પોલીસે તેને અટકાવી કારમાં તપાસ કરતા તેમાંથી વિદેશી દારૂની ૪૦૮ બોટલ કબજે કરી હતી પોલીસે ૫૧ હજારનો દારૂ અને ૨ લાખની કાર મળી કુલ ૨.૫૧ લાખનો મુદ્દામાલ કબજે કર્યો હતો અને ધારોલી ગામના પારડી ફળિયામાં રહેતો બુટલેગર સુનીલ વસાવાને ઝડપી પાડ્યો હતો અને તેને વિદેશી દારૂના જથ્થા અંગે પુછપરછ કરતા આ જથ્થો ખર્ચીના ગામના બુટલેગર હરેશ વસાવા પાસેથી લાવ્યો હોવાનું જણાવ્યું હતું પોલીસે તેને વોન્ટેડ જાહેર કરી વધુ તપાસ હાથ ધરી છે
