રવિવારે પંજાબ અને હરિયાણાના ઘણા ભાગોમાં ભારે વરસાદને કારણે નીચાણવાળા વિસ્તારોમાં પાણી ભરાઈ જવાની સ્થિતિ સર્જાઈ હતી. સત્તાવાળાઓએ કેટલાક પ્રભાવિત વિસ્તારોમાં શાળાઓ બંધ કરવાનો આદેશ આપ્યો હતો, જ્યારે પંજાબના કેટલાક ભાગોમાં મુશળધાર વરસાદને કારણે સેનાને એલર્ટ પર રાખવામાં આવી હતી.
પંજાબના સ્પેશિયલ ડાયરેક્ટર જનરલ ઑફ પોલીસ અર્પિત શુક્લાએ કહ્યું કે સેનાના જવાનોને પણ આ વિસ્તારોમાં સતર્ક રહેવા માટે કહેવામાં આવ્યું છે.
