MSME માટે મુકદ્દમાનો ખર્ચ ઘટાડવા માટે મધ્યસ્થી કાયદો લવાશે: કાયદા પ્રધાન મેઘવાલ
ન્યાયને વેગ આપો,MSMES ને સશક્ત કરો અને ભારતની આર્થિક સંભાવનાને એનાલીશ કરો : પ્રશાંત પટેલ,પ્રમુખ,
FISME અને ઉપ પ્રમુખ – સાયખાં ઇન્ડસ્ટ્રીયલ એસોસીએશન
સંસદના ચોમાસુ સત્ર દરમિયાન લોકસભા અને રાજ્યસભા દ્વારા પસાર કરાયેલ મધ્યસ્થી બિલે MSMEs માટે મુકદ્દમાનો સમય અને ખર્ચ ઘટાડવા માટે ઘણા પગલા સૂચવ્યા હતા.
“સરકાર લાંબા અને ખર્ચાળ મુકદ્દમા અંગે MSMEs ની ચિંતાઓથી ઘેરાયેલી છે અને અમે ખર્ચ ઘટાડવા માટે સમગ્ર ભારતમાં મધ્યસ્થી કેન્દ્રો દ્વારા વિવાદોના ઉકેલ માટે દબાણ કરીશું”, એમ કાયદા અને ન્યાય પ્રધાન અર્જુન રામમેઘવાલે જાહેર કર્યું હતુ.
નવી દિલ્હીમાં ‘એમએસએમઈ માટે મુકદ્દમાના ખર્ચમાં ઘટાડો’ વિષય પર સેમિનારમાં બોલતા,કાયદા પ્રધાને કહ્યુ હતુ કે હવે જ્યારે મધ્યસ્થતા બિલ મંજૂર થઈ ગયુ છે અને રાષ્ટ્રપતિની સંમતિ માટે મોકલવામાં આવશે, ત્યારે ધ્યાન નિયમો બનાવવા તરફ જશે અને સરકાર ઉભરેલા સૂચનોને સમાવિષ્ટ કરશે.
આ સેમિનારનું આયોજન ફેડરેશન ઓફ ઈન્ડિયન માઈક્રો એન્ડ સ્મોલ એન્ડ મીડિયમ એન્ટરપ્રાઈઝ (FISME) અને ‘ફ્રેન્ડ્સ ઓફ MSMEs ઇન પાર્લામેન્ટ’ દ્વારા કરવામાં આવ્યુ હતુ.જે MSME ને સમર્થન આપવા માટે બનાવવામાં આવેલ સંસદના સભ્યોનું એક મંચ છે.
ફોરમના કન્વીનર, સંસદ સભ્ય રાજેન્દ્ર અગ્રવાલે એમએસએમઈને ખાતરી આપી હતી કે તેઓને વિલંબિત ચૂકવણી સહિતની તેમની ચિંતાઓને સમાવિષ્ટ કરવા માટે મધ્યસ્થી અધિનિયમના નિયમો બનાવવા માટે સત્તાવાર પરામર્શ પ્રક્રિયાનો ભાગ બનાવવામાં આવશે.
FISME ના પ્રમુખ તેમજ ભરૂચ ની સાયખાં ઇન્ડસ્ટ્રીઝ એસોસીએશન ના વાઇસ પ્રેસિડન્ટ પ્રશાંત પટેલે ભારતીય અર્થવ્યવસ્થા અને GDP પર મુકદ્દમાની વિશાળ કિંમત પર પ્રકાશ પાડ્યો અને પગલા લેવા માટે આહવાન કર્યુ હતુ.ન્યાયને વેગ આપો, MSMES ને સશક્ત કરો અને ભારતની આર્થિક સંભાવનાને એનાલીશ કરવા પર ભાર મુક્યો હતો.
MSMEs અને FISME દ્વારા એકત્ર કરાયેલા પ્રતિસાદ મુજબ,ચિંતાના મુખ્ય ક્ષેત્રો આર્બિટ્રેટરની નિમણૂકમાં મુશ્કેલીઓ,ઉચ્ચ અદાલતો દ્વારા અવોર્ડ પછી પ્રક્રિયાને અયોગ્ય રીતે લંબાવવામાં આવતી દરમિયાનગીરી અને અંતે પુરસ્કારોના અમલીકરણમાં પડતી મુશ્કેલીઓ છે.
સેમિનારનમાં ન્યાયમૂર્તિ આર.એસ. સોઢી (નિવૃત્ત), ટી.કે. અરુણ ભૂતપૂર્વ એડિટર ઇકોનોમિક ટાઇમ્સ અને વરિષ્ઠ સલાહકારો અને નિષ્ણાતો જે.પી. સેંઘ,સુમંત બત્રા,ડૉ. સ્વાતિ જિંદાલ ગર્ગ,તરુણ નાંગિયા,ઈશા અગ્રવાલ,નીરજ કેડિયા- ચેરમેન બેંકિંગ એન્ડ ફાયનાન્સ કમિટી ના સભ્યો હાજર રહ્યા હતા.
ઝફર ગડીમલ,સત્યા ટીવી – વાગરા.
