‘ડ્રીમ ગર્લ’ ફિલ્મ બોક્સ ઓફિસ પર સુપરહિટ સાબિત થઈ હતી, તેથી જ દર્શકો ‘ડ્રીમ ગર્લ’ની સિક્વલની આતુરતાથી રાહ જોઈ રહ્યા હતા. આવી સ્થિતિમાં, ‘ડ્રીમ ગર્લ 2’ ને ઓપનિંગ ડે પર બોક્સ ઓફિસ પર જબરદસ્ત શરૂઆત મળી છે, જેના પરથી કહી શકાય કે આ કોમેડી ફિલ્મે પ્રથમ દિવસે જ ચાહકો પર પોતાની છાપ છોડી દીધી છે.’ગદર 2’ના ક્રેઝ વચ્ચે આયુષ્માન ખુરાનાએ પૂજા બનીને લોકોનું ખૂબ મનોરંજન કર્યું છે.
રિલીઝ પહેલા 9-10 કરોડની કમાણી કરી લીધી છે. જ્યારે સની દેઓલની ફિલ્મ ‘ગદર 2’ બોક્સ ઓફિસ પર પહેલાથી જ દબદબો જમાવી ચુકી છે. આવી સ્થિતિમાં ‘ગદર 2’ની સુનામી વચ્ચે ‘ડ્રીમ ગર્લ 2’નું આ કલેક્શન ખૂબ જ સારું માનવામાં આવે છે.સાથે જ ‘ડ્રીમ ગર્લ 2’નું આ કલેક્શન વીકેન્ડ પર વધવાની શક્યતા છે.
ફિલ્મ ‘ડ્રીમ ગર્લ 2’ની કાસ્ટની વાત કરવામાં આવે તો આ ફિલ્મમાં આયુષ્માન ખુરાનાની સાથે અનન્યા પાંડે, અન્નુ કપૂર, અભિષેક બેનર્જી, વિજય રાજ, સીમા પાહવા, મંજોત સિંહ મુખ્ય ભૂમિકા ભજવતા જોવા મળશે. સાથે જ પહેલી વાર આયુષ્માન ખુરાના અને અનન્યા પાંડેની જોડી જોવા મળી છે.
