ગઇકાલે પ્રેક્ટિસ દરમિયાન વિરાટ કોહલી હરિસ રઉફને અને રોહિત શર્મા બાબર આઝમ અને ઇમામ ઉલ હકને મળ્યા હતા. ચાહકો ઘણીવાર જાણવા માંગે છે કે જ્યારે આ કટ્ટર હરીફ ટીમોના ખેલાડીઓ લાંબા સમય પછી એકબીજાને મળે છે ત્યારે શું થાય છે. પીસીબીએ હવે ખેલાડીઓની મુલાકાતનો વીડિયો શેર કર્યો છે, જેમાં સ્પષ્ટપણે સાંભળી શકાય છે કે વિરાટ કોહલીએ હરિસ રઉફ અને રોહિત શર્માએ બાબર આઝમ સાથે શું વાતચીત કરી હતી.
મેચ પહેલા બંને દેશોના ચાહકો ભલે થોડા આક્રમક દેખાતા હોય પણ જ્યારે પણ ભારત અને પાકિસ્તાનના ખેલાડીઓ મેચ પહેલા મેદાન પર મળે છે ત્યારે તેઓ એકદમ શાનદાર દેખાય છે. બધા ખેલાડીઓ એકબીજા સાથે ખૂબ સારી રીતે વાત કરે છે અને ક્રિકેટ સિવાયની અન્ય બાબતો વિશે પણ ચર્ચા કરે છે.
કોહલીએ પાકિસ્તાનના અન્ય ખેલાડીઓ સાથે પણ વાત કરી હતી. વરસાદના કારણે પ્રેક્ટિસ બંધ થયા બાદ કોહલી લાંબા સમય સુધી પાકિસ્તાનના સ્પિન ઓલરાઉન્ડર શાદાબ ખાન સાથે ચર્ચામાં વ્યસ્ત જોવા મળ્યો હતો. બંને હસી રહ્યા હતા અને ખૂબ મજાક કરી રહ્યા હતા અને હળવા મૂડમાં દેખાતા હતા. રઉફ પણ ત્યાં હાજર હતો. થોડી જ વારમાં શાહીન શાહ આફ્રિદી પણ આવી ગયો અને કોહલીએ ત્રણેય સાથે વાત કરવાનું શરૂ કર્યું. આ દરમિયાન કોહલીએ શાદાબનું બેટ પણ લીધું અને તેની સાથે શેડો બેટિંગ પણ કરી.
ટીમ ઈન્ડિયા:રોહિત શર્મા (કેપ્ટન), વિરાટ કોહલી, શ્રેયસ ઐયર, કેએલ રાહુલ, શુભમન ગિલ, સૂર્યકુમાર યાદવ, તિલક વર્મા, ઈશાન કિશન, હાર્દિક પંડ્યા, રવિન્દ્ર જાડેજા, અક્ષર પટેલ, શાર્દુલ ઠાકુર, જસપ્રીત બુમરાહ, મોહમ્મદ શમી, મોહમ્મદ સિરાજ, કુલદીપ યાદવ, પ્રસિદ્ધ કૃષ્ણા, સંજુ સેમસન.
પાકિસ્તાનની પ્લેઈંગ ઈલેવન: બાબર આઝમ (કેપ્ટન), શાદાબ ખાન (વાઈસ-કેપ્ટન), ફખર ઝમાન, ઈમામ-ઉલ-હક, સલમાન આગા, ઈફ્તિખાર અહેમદ, મોહમ્મદ રિઝવાન, મોહમ્મદ નવાઝ, નસીમ શાહ, શાહીન શાહ આફ્રિદી, હરિસ રઉફ.