આ ફિલ્મને લઈને ઘણા સમયથી ચર્ચા ચાલી રહી હતી અને જ્યારે ફિલ્મ રિલીઝ થઈ ત્યારે તેણે રેકોર્ડ તોડવાનું શરૂ કરી દીધું હતું. 7મી સપ્ટેમ્બરે રિલીઝ થયેલી જવાન સિનેમાઘરોમાં ધૂમ મચાવી રહી છે. ફિલ્મમાં શાહરૂખ ખાનના સ્ટંટ દર્શકોને ખૂબ જ પસંદ છે. તેમજ આ સ્ટંટ જોયા બાદ તેઓ શાહરૂખ ખાનની મહેનત અને સમર્પણના વખાણ કરી રહ્યા છે.
ત્રીજા દિવસે એટલે કે શનિવારે, જવાને સ્થાનિક બોક્સ ઓફિસ પર અંદાજિત 74.5 કરોડ રૂપિયાની કમાણી કરી છે. જેમાં 66 કરોડ હિન્દી ભાષામાં, 5 કરોડ તમિલમાં અને 3.5 કરોડ તેલુગુનો સમાવેશ થાય છે. ત્રીજા દિવસે બમ્પર કમાણી કર્યા બાદ શાહરૂખ ખાનની ફિલ્મ 200 કરોડના ક્લબમાં સામેલ થઈ ગઈ છે.
આ ફિલ્મે પહેલા દિવસે 75 કરોડ રૂપિયા, બીજા દિવસે 53.23 કરોડ રૂપિયા અને ત્રીજા દિવસે 74.5 કરોડ રૂપિયાની કમાણી કરી હતી, જે કુલ બિઝનેસ 202.73 કરોડ રૂપિયા પર પહોંચી ગયો હતો. તમને જણાવી દઈએ કે રિલીઝ પહેલા જ અનુમાન લગાવવામાં આવી રહ્યું હતું કે આ ફિલ્મ બોક્સ ઓફિસ પર જોરદાર કમાણી કરશે. જવાન મુવી આશા પર સારી રહી છે.આ ફિલ્મમાં શાહરૂખ ખાને ડબલ રોલ કર્યો છે. તેમની એક ભૂમિકા પિતાની છે અને બીજી ભૂમિકા પુત્રની છે. બંને પાત્રોમાં ફેન્સ તેને ખૂબ પસંદ કરી રહ્યા છે. ફિલ્મમાં વિજય સેતુપતિ વિલન તરીકે જોવા મળી રહ્યો છે. દીપિકા પાદુકોણ, સંજય દત્તે કેમિયો રોલ કર્યો છે. આ ઉપરાંત ફિલ્મમાં સુનીલ ગ્રોવર, સંજીતા ભટ્ટાચાર્ય, સાન્યા મલ્હોત્રા, રિદ્ધિ ડોગરા જેવા સ્ટાર્સ પણ જોવા મળ્યા છે.
આ દરમિયાન શાહરૂખનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે જવાન ફિલ્મનો એક સીન કરતો જોવા મળી રહ્યો છે. જવાન ફિલ્મના આ BTS વીડિયો પર લોકો પ્રેમ વરસાવી રહ્યા છે.