કેબલ ટેલિવિઝન નેટવર્ક એક્ટ 1995માં મોટા સુધારા કર્યા છે.આ સુધારો આકરા દંડનો આશરો લીધા વિના નાના અને અણધાર્યા ઉલ્લંઘનો પ્રત્યે સંવેદનશીલતા વધારશે. આ સુધારાઓ કાયદાના પાલનને પ્રોત્સાહિત કરશે. મંત્રાલયના જણાવ્યા અનુસાર આ પગલાથી “હિતધારકોનો વિશ્વાસ વધશે અને વ્યવસાય કરવાની સરળતાને પ્રોત્સાહન મળશ.
કેબલ ટેલિવિઝન નેટવર્ક્સ રેગ્યુલેશન એક્ટ 1995ની કલમ 16 કોઈપણ જોગવાઈ હેઠળ ઉલ્લંઘન માટે સજા સાથે સંબંધિત છે. આ કલમમાં જેલની જોગવાઈ કરવામાં આવી છે જે પ્રથમ ગુનાના કિસ્સામાં 2 વર્ષ અને પછીના દરેક ગુના માટે 5 વર્ષ સુધી લંબાવી શકે છે. નોટિફિકેશનમાં કહેવામાં આવ્યું છે કે કેબલ ટેલિવિઝન નેટવર્ક્સ રેગ્યુલેશન એક્ટ 1995ને વધુ બિઝનેસ ફ્રેન્ડલી બનાવવા અને સેક્ટરમાં રોકાણકારોના વિશ્વાસને પ્રોત્સાહન આપવાના ઉદ્દેશ્ય સાથે, કલમ 16 હેઠળ નિર્દિષ્ટ દંડની ફરીથી તપાસ કરવામાં આવી હતી અને જાહેર ટ્રસ્ટની જોગવાઈઓમાં સુધારો કરીને તેને અપરાધ મુક્ત કરી દેવામાં આવ્યો છે.
સુધારા પછી, મલ્ટી-સિસ્ટમ ઓપરેટર્સ માટે નોંધણી હવે 10 વર્ષના સમયગાળા માટે ખુલશે. બ્રોડબેન્ડ કંપનીઓ પણ આ રજીસ્ટ્રેશનમાં ભાગ લઈ શકશે. ખૂબ જ સરળ ભાષામાં, MSO એ એવી કંપનીઓ છે જે ટીવી કેબલ સિસ્ટમનું સંચાલન કરે છે. દેશમાં લગભગ 115 MSO ઓપરેટર્સ છે. જણાવી દઈએ કે અગાઉ કેબલ ટેલિવિઝન નેટવર્ક નિયમો, 1994 હેઠળ બ્રોડબેન્ડ અથવા ટેલિકોમ કંપનીઓ સાથે ઈન્ફ્રાસ્ટ્રક્ચર શેર કરવાની કોઈ જોગવાઈ નહોતી.
