બિપાશા બાસુએ 7મી જાન્યુઆરીએ 45મો જન્મદિવસ ઉજવ્યો હતો અને મોટાભાગની બોલિવૂડ હસ્તીઓની જેમ તેણે પણ માલદીવમાં વેકેશન પ્લાનિંગ કરી બર્થ ડે સેલિબ્રેશન કર્યું હતું. આ સમય દરમિયાન અભિનેત્રી સોશિયલ મીડિયા પર સક્રિય રહી હતી અને ફોટા દ્વારા ચાહકો સાથે વેકેશનની ઝલક પણ શેર કરી હતી. આ ફોટામાં અભિનેત્રી તેના પતિ કરણ અને પુત્રી દેવીને તેની બાહોમાં પકડીને તેમના પર ખૂબ પ્રેમ વરસાવતી જોવા મળી હતી.કરણ અને બિપાશાના ઈન્ડસ્ટ્રીના મિત્રોએ આ તસવીરો પર ઘણો પ્રેમ વરસાવ્યો હતો અને અભિનેત્રીને તેના જન્મદિવસની શુભકામનાઓ પણ પાઠવી હતી, પરંતુ સોશિયલ મીડિયા યુઝર્સે અભિનેત્રીનું માલદીવ જવાનું પસંદ કર્યું ન હતું.
અભિનેત્રીના ફોટા પર ઘણા યુઝર્સે #boycottmaldive કોમેન્ટ કરી છે. આ સિવાય ઘણા યુઝર્સ લખે છે કે, જ્યારે માલદીવ આપણા વડાપ્રધાન વિશે વિવાદાસ્પદ ટીપ્પણી કરી રહ્યું છે તો તેમણે માલદીવ જવું જોઈતું નહોતું.
