પૂરના પાણી ઓસર્યા બાદ વડોદરાવાસીઓ માટે નવી આફત આવી પડી છે. વડોદરામાં અવસર પાર્ટી પ્લોટ સામે રોડ પર મહાકાય મગર આવી ગયો હતો. 10 ફૂટના મગરને ઘુંટણસમા પાણીમાંથી રેસ્કયુ કરવામાં આવ્યો હતો. ત્યારે બીજી તરફ ફતેહગંજ વિસ્તારમાં રહેણાંક ઘરમાં કદાવર મગર ઘૂસી ગયો હતો. કદાવર મગર પૂરના પાણીમાં તણાઈ આવ્યો હતો. નદીના પ્રવાહ સાથે તણાઈને આવેલો મગર રહેણાંક ઘરમાં ઘૂસી ગયો હતો.ઘરમાં મગર ઘૂસી આવતા ફતેહગંજ વિસ્તારના લોકોમાં ભય ફેલાઈ ગયો છે. ફતેહગંજ પાસે કામનાથ નગરના મકાનમાં મગર ઘૂસી ગયો હતો. મગરને જોઇને ભયભીત થયેલા લોકો આમતેમ દોડવા લાગ્યા હતા. જો કે વન વિભાગની ટીમે મગરને પકડી લેતા લોકોએ રાહતનો શ્વાસ લીધો હતો.
