‘પુષ્પા 2’ આ વર્ષે 6 ડિસેમ્બરે સિનેમાઘરોમાં રિલીઝ થશે અને ફિલ્મના ઓટીટી રાઇટ્સ રિલીઝના ઘણા મહિના પહેલા વેચાઈ ગયા છે. ફિલ્મ ‘પુષ્પા 2’ એ આ ડીલ સાથે તેના અડધા બજેટના પૈસા કમાઈ લીધા છે. રીપોર્ટ અનુસાર Netflixએ ‘પુષ્પા 2’ના OTT રાઇટ્સ ખરીદ્યા છે.ફિલ્મના નિર્માતા અને નેટફ્લિક્સ વચ્ચે કરોડોની ડીલ સાઈન કરવામાં આવી છે અને નેટફ્લિક્સે તમામ ભાષાઓમાં તેની પોસ્ટ થિયેટર રિલીઝના રાઇટ્સ પણ ખરીદ્યા છે. રીપોર્ટ અનુસાર નેટફ્લિક્સે ‘પુષ્પા 2’ માટે નિર્માતાઓને 270 કરોડ રૂપિયા ચૂકવ્યા છે. મીડિયા રિપોર્ટ્સ અનુસાર, ફિલ્મનું બજેટ લગભગ 500 કરોડ રૂપિયા છે.આ રીતે ‘પુષ્પા 2’ ડિજિટલ રાઈટ્સના સંદર્ભમાં સૌથી મોંઘી ભારતીય ફિલ્મોની યાદીમાં સામેલ થઈ ગઈ છે. ‘પુષ્પા 2’ અગાઉ 15 ઓગસ્ટે સિનેમાઘરોમાં રિલીઝ થવાની હતી. એ બાદ ફિલ્મની રિલીઝ ડેટ મોકૂફ રાખવામાં આવી હતી. હવે દર્શકો આ ફિલ્મની રિલીઝની રાહ જોઈ રહ્યા છે.
