અમદાવાદની માધવ પબ્લિક સ્કૂલમાં વિદ્યાર્થીને શિક્ષકે માર માર્યો, મેનેજમેન્ટે કર્યો સસ્પેન્ડ;

અમદાવાદની વટવાની માધવ પબ્લિક સ્કૂલમાં વિદ્યાર્થીને શિક્ષકે માર માર્યાની ઘટના સામે આવી છે. વિદ્યાર્થીને મૂઢ માર માર્યો હોવાના દ્રશ્યો સીસીટીવીમાં કેદ થયા છે. વિદ્યાર્થીના પિતાએ ગણિતના શિક્ષક અભિષેક પટેલ સામે વટવા પોલીસ સ્ટેશનમાં ફરિયાદ નોંધાવી છે.ગણિતનો અભ્યાસ કરાવતો શિક્ષક અભિષેક પટેલે વિદ્યાર્થીને 10થી વધુ તમાચા માર્યાના દ્રશ્યો વર્ગખંડમાં રહેલા સીસીટીવીના દ્રશ્યો વાયરલ થયા છે.સ્કૂલ તંત્રએ શિક્ષકને સસ્પેન્ડ કર્યા છે. ડીઈઓએ પણ વાયરલ વીડિયોને લઈને તપાસના આદેશ આપ્યા છે.