નિતેશ તિવારીની મોસ્ટ અવેટેડ ફિલ્મ રામાયણની ચાહકો ઘણા ટાઈમથી રાહ જોઈ રહ્યા છે. ફિલ્મમાં રણબીર કપૂર ભગવાન રામના રોલમાં જોવા મળશે અને સાઈ પલ્લવી માતા સીતાના રોલમાં જોવા મળશે. સેટ પરથી બંને સ્ટાર્સની કેટલીક તસવીરો સામે આવી હતી, જેનાથી એ વાતની પુષ્ટિ થઈ છે કે ફિલ્મનું શૂટિંગ ખૂબ જ ભવ્ય સેટ પર થઈ રહ્યું છે.ફિલ્મને લઈને એક નવું અપડેટ સામે આવ્યું છે. ફિલ્મ સાથે જોડાયેલી આ અપડેટ ઈન્દિરા કૃષ્ણન દ્વારા આપવામાં આવી છે, તેમણે કહ્યું, ‘હું રામાયણ ફિલ્મનું શૂટિંગ કરી રહી છું અને અત્યાર સુધી ફિલ્મનું શૂટિંગ પૂર્ણ થયું છે. આ ફિલ્મમાં મારું પાત્ર કૌશલ્યા છે. હું આ રોલ રણબીર સાથે કરી રહી છું. ફિલ્મમાં રવિ દુબે પણ છે અને તે લક્ષ્મણનું પાત્ર ભજવી રહ્યો છે. ફિલ્મ 100 ટકા હિટ છે એમાં કોઈ શંકા નથી. હું તેને સુપરહિટ કહીશ.
