ટ્રાફિક પોલીસને મેસેજ મોકલીને સલમાન ખાનને ધમકી આપનાર વ્યક્તિની ઓળખ થઈ ગઈ છે, તે કર્ણાટકનો છે. તે વ્યક્તિનું નામ વિક્રમ છે અને તેની ઉંમર લગભગ 35 વર્ષ છે. મુંબઈ પોલીસના એલર્ટ પર કર્ણાટક પોલીસે વિક્રમની અટકાયત કરી હતી. વિક્રમને કર્ણાટકથી કસ્ટડીમાં લીધા બાદ મુંબઈ પોલીસની ટીમ આવતીકાલે મુંબઈ પહોંચશે. મુંબઈ પોલીસ તપાસ કરશે કે વિક્રમે શા માટે ધમકી આપી અને તેનો કોઈ ગેંગ સાથે કોઈ સંબંધ છે કે કેમ.ગત ઓક્ટોબરમાં પણ સલમાનને આવી જ ધમકી મળી હતી, જેની તપાસ કરીને પોલીસે જમશેદપુરના 24 વર્ષના યુવકની ધરપકડ કરી હતી. પોલીસે માહિતી આપી હતી કે ધમકી આપનાર વ્યક્તિ શાકભાજી વેચવાનું કામ કરતો હતો
