દેશની રાજદાની દિલ્હીમાં વાયુ પ્રદૂષણ હવે ડેન્જર લેવલ પર પહોંચી ચૂક્યું છે. જેને લઈને દિલ્હી-NCRમાં GRAP-4 લાગૂ કરાયો છે. જે હેઠળ અનેક પ્રકારના પ્રતિબંધ લગાવવામાં આવ્યા છે. પરિસ્થિતિ એવી બની ચૂકી છે કે દિલ્હીની શાળાઓમાં સોમવારથી ફિઝિકલ ક્લાસ બંધ કરવાનું એલાન કરાયું છે. GRAP-4ના પ્રતિબંધોના કારણે શાળાઓ ઓનલાઈન મોડમાં શિફ્ટ કરી દેવાશે. ધોરણ 10 અને 12 સિવાય તમામ શાળા બંધ રાખવાનો આદેશ આપી દેવાયો છે.
દિલ્હીના મુખ્યમંત્રી આતિશીએ કહ્યું કે, સોમવારે GRAP-4 લાગુ થવાની સાથે જ ધોરણ 10 અને 12 સિવાય તમામ વિદ્યાર્થીઓ માટે ફિઝિકલ ક્લાસ બંધ કરી દેવાશે. તમામ શાળા આગામી આદેશ સુધી ઓનલાઈન મોડમાં ક્લાસ લેશે. દિલ્હી-NCR માટે અનેક પ્રતિબંધોની જાહેરાત કરી છે, આ સોમવાર સવારે 8 વાગ્યાથી લાગૂ થશે. જેમાં ટ્રકોની એન્ટ્રી પર પ્રતિબંધ અને પબ્લિક પ્રોજેક્ટ્સના નિર્માણ પર અસ્થાયી રોક સામેલ છે.
