ભરૂચ જિલ્લાના અંકલેશ્વર GIDCમાં ફરી એક વખત શંકાસ્પદ કેમિકલ વેસ્ટ ખસેડવામાં આવી રહ્યો હોવાનો કિસ્સો સામે આવ્યો છે. GIDC વિસ્તારમાંથી વિહિતા કેમ કંપનીમાંથી કોઈપણ આધાર પુરાવા વિના બહાર નીકળેલા આયસર ટેમ્પાને SOGની ટીમે રોકી તપાસ હાથ ધરી હતી.
તપાસ દરમ્યાન ટેમ્પોમાં ભરેલા કેમિકલ વેસ્ટનો કોઈ પ્રમાણભૂત પુરાવો ન હોવાનું સામે આવ્યું. SOGએ ટેમ્પો અને કેમિકલ વેસ્ટ સહિત કુલ 5 લાખ 7 હજાર 528 રૂપિયાનો મુદ્દામાલ કબ્જે કર્યો છે. આ અંગે GIDC પોલીસ મથકે IPC કલમ 41(1) ડી હેઠળ ગુનો નોંધવામાં આવ્યો છે.
SOG દ્વારા આ મામલે વધુ તપાસ હાથ ધરવામાં આવી રહી છે. પોલીસના જણાવ્યા મુજબ, આ પ્રકારના શંકાસ્પદ પ્રવૃત્તિઓ પર રોક લાવવા માટે પેટ્રોલિંગ વધારવામાં આવશે. GIDC વિસ્તારમાં સતત આવી ઘટનાઓ સામે આવતી રહેતી હોવાને કારણે પર્યાવરણીય અને કાયદાકીય મુદ્દાઓ ઉદ્દભવી રહ્યા છે.
આ ઘટના પછી અંકલેશ્વરના ઉદ્યોગકારોમાં પણ ચિંતાનું વાતાવરણ જોવા મળ્યું છે.
