નર્મદા: તારીખ 21 જાન્યુઆરી થી 24 જાન્યુઆરી 2025 દરમ્યાન વીર નર્મદ દક્ષિણ ગુજરાત યુનિવર્સિટી,સુરત ખાતે ઉજવાયેલ રાણી દુર્ગાવતીજી 51મો ખેલકુદ રમતોત્સવમાં સાગબારાની સરકારી વિનયન કોલેજનાં વિદ્યાર્થીઓએ ખુબ જ સારુ પ્રદર્શન કરી કોલેજનું નામ રોશન કર્યુ છે, જેમાં દક્ષિણ ગુજરાતની 134 કોલેજોએ ભાગ લીધો હતો.જેની અંદર ભાઇઓ-1105 અને બહેનો-707 એમ કુલ 1812 ખેલાડીઓએ ભાગ લીધો હતો.આ સ્પર્ધામાં અત્રેની સરકારી વિનયન કોલેજ સાગબારાના વિદ્યાર્થી વિપુલભાઇ રૂપસિંગભાઇ વસાવાએ 10,000 મીટરની દોડમાં તૃતીય ક્રમાંક અને 5,000 મીટરની દોડમાં પણ તૃતીય ક્રમાંક પ્રાપ્ત કરેલ છે. તેમજ અનિલભાઇ દિનેશભાઇ વસાવાએ 1500 મીટર દોડ માં તૃતીય ક્રમાંક મેળવેલ છે.
આ સાથે દિવ્યાંગ બહેનોમાં વસાવા રેખાબેન શૈલેષભાઇએ પણ યુનિવર્સિટી ખાતે પોતાનું ઉત્કૃષ્ટ પ્રદર્શન કરી 500 મીટરની દોડમાં પ્રથમ ક્રમાંક, લાંબીકુદમાં પ્રથમ તેમજ ગોળાફેકમાં દ્રિતીય ક્રમાંક મેળવી સરકારી વિનયન કોલેજ સાગબારાનું નામ રોશન કર્યુ છે.
કોલેજનાં ઉત્કૃષ્ટ પ્રદર્શન બદલ કોલેજનાં P.T.I. હર્ષદા પટેલ,જેમનો મહત્વનો ફાળો રહ્યો હતો. તેમજ સ્પર્ધામાં ભાગ લેનાર વિદ્યાર્થીઓને કોલેજનાં આચાર્યશ્રી ડૉ.ચેતન.ચૌધરી તેમજ કોલેજ પરિવાર તરફથી અભિનંદન પાઠવવામાં આવ્યા હતા.
સર્જન વસાવા,ડેડિયાપાડા
