રાન્યા રાવ સોમવારે રાત્રે દુબઈથી અમીરાતની ફ્લાઇટમાં ભારત પરત આવી રહી હતી. છેલ્લા 15 દિવસમાં તે ચાર વાર દુબઈ ગઈ હોવાથી એજન્સીને પહેલાથી જ તેના પર શંકા હતી જ્યારે તે બેંગલુરુ એરપોર્ટ પહોંચી ત્યારે અધિકારીઓએ તેના પર નજર રાખી અને તપાસ કરતાં જાણવા મળ્યું કે તેણે ઘણું સોનું પહેર્યું હતું અને તેના કપડાંમાં કેટલીક સોનાની લગડીઓ છુપાવેલી હતી. ધરપકડ બાદ રાન્યા રાવને આર્થિક ગુના કોર્ટમાં રજૂ લઈ જવામાં આવી હતી જ્યાંથી તેને 14 દિવસની ન્યાયિક કસ્ટડીમાં મોકલવામાં આવી છે.એરપોર્ટ પર ઉતરતી વખતે રાન્યાએ પોતાને કર્ણાટક પોલીસ મહાનિર્દેશક (DGP) ની પુત્રી તરીકે ઓળખાવી અને સ્થાનિક પોલીસ કર્મીઓનો સંપર્ક કરીને પોતાના ઘર સુધી સુરક્ષાની માંગણી કરી. હવે અધિકારીઓ તપાસ કરી રહ્યા છે કે શું કોઈ પોલીસ અધિકારી ખાસ કરીને તેમના IPS સંબંધીને આ બાબતની જાણ હતી કે પછી તેમને પણ ગેરમાર્ગે દોરવામાં આવ્યા હતા.
રાન્યા સરકારી પ્રોટોકોલ સેવાઓનો લાભ લઈને સુરક્ષા તપાસથી બચવામાં સફળ રહી. આ સેવાઓ સામાન્ય રીતે વરિષ્ઠ અમલદારો અને IPS અધિકારીઓ માટે હોય છે. એક પ્રોટોકોલ અધિકારી તેમને ટર્મિનલ પર મળશે અને તેમને એરપોર્ટની બહાર લઈ જશે. તે પ્રોટોકોલ અધિકારી સાથે હોવાથી તેની પણ તપાસ કરવામાં આવી ન હતી. એટલું જ નહીં રસ્તામાં કોઈ મુશ્કેલી ન પડે તે માટે તેને એરપોર્ટથી લેવા માટે સરકારી વેહિકલ પણ આવતું હતું.
આ બાબતે કર્ણાટકના DGP કે રામચંદ્ર રાવનો સંપર્ક કરવામાં આવ્યો ત્યારે તેમણે પોતાની પુત્રીની પ્રવૃત્તિ વિશે પોતે અજાણ હોવાનું જણાવ્યું અને તેમાં તેમનો કોઈ હાથ નથી તેમ કહ્યું. તેમણે કહ્યું કે રાન્યાના લગ્ન ચાર મહિના પહેલા જતીન હુક્કારી સાથે થયા હતા જે શહેરમાં હાઇ-એન્ડ પબ અને માઇક્રોબ્રુઅરીઝ ડિઝાઇનર આર્કિટેક્ટ છે. લગ્ન પછી રાન્યા તેના માતાપિતાને મળવા આવી નથી. તેમણે કહ્યું કે રાન્યા અને તેના પતિના વ્યવસાય વિશે તેમને કે તેમના પરિવારને કોઈ જાણકારી નથી. તેમણે કહ્યું કે તેમની પુત્રીએ જો કોઈ કાયદાનું ઉલ્લંઘન થયું હશે તો કાનૂની કાર્યવાહી કરવામાં આવશે.
