પેટ્રોલિયમ મંત્રી હરદીપ સિંહ પુરીએ શુક્રવારે આપ્યો સંકેત, ટૂંક સમયમાં ઘટશે પેટ્રોલ અને ડીઝલના ભાવ;

આ વર્ષે પેટ્રોલ અને ડીઝલના ભાવમાં વર્ષમાં પહેલી વાર ઘટાડો થઈ શકે છે. પુરીએ કહ્યું કે જો ક્રૂડ ઓઇલના ભાવ વર્તમાન સ્તરે રહેશે તો પેટ્રોલ અને ડીઝલના ભાવમાં ઘટાડો થઈ શકે છે. હરદીપ પુરીએ કહ્યું, “આજે હું સંપૂર્ણ ગંભીરતા સાથે કહી શકું છું કે જો લોકો પૂછે કે ઇંધણના ભાવ ક્યારે ઘટશે, તો મારો જવાબ એ હશે કે જો આ વલણ ચાલુ રહેશે, તો ભાવ ઘટાડાની વાજબી શક્યતા છે.”સરકારી તેલ કંપનીઓએ ક્રૂડ ઓઇલના ભાવમાં ઘટાડાનો લાભ ગ્રાહકો સુધી પહોંચાડ્યો ન હતો, પરંતુ ખાનગી કંપનીઓ પ્રતિ લિટર 3 રૂપિયા સુધીનું ડિસ્કાઉન્ટ આપીને બજારમાં પોતાની પકડ મજબૂત કરી રહી છે. હવે જોવાનું એ રહે છે કે સરકાર પેટ્રોલ અને ડીઝલના ભાવ ઘટાડવાનો નિર્ણય ક્યારે લે છે કે પછી સસ્તા ઇંધણ માટે લોકોને વધુ રાહ જોવી પડશે.