નેત્રંગ લગ્નમાં મોબાઈલ ઉપર ગીતો વગાડતા છોકરાને સરપંચે માર માર્યો
સરપંચે માર મારતા પિતાએ પોલીસ મથકે ફરિયાદ નોંધાવી
ઇજાગ્રસ્તની હાથ અને પગની નશો કપાઈ જતા સારવાર અર્થે ખસેડાયા
નેત્રંગ તાલુકાના ઝોકલા ગામે લગ્નમાં મોબાઈલ ઉપર ગીતો વગાડતા છોકરાને સરપંચે માર માર્યા બાદ પિતાએ ફરિયાદ આપી હતી. જેમાં સરપંચ અને આણી મંડળીએ ફરિયાદીને ફટકારી સાથે પોલીસ મથકે જનાર ગ્રામજન ઉપર જીવલેણ હુમલો કર્યો હતો.
નેત્રંગના ઝોકલા ગામે સરપંચ મનોજ વસાવાની દાદાગીરીનો કિસ્સો સામે આવ્યો છે. જેમાં ગામમાં લગ્ન હોય શૈલેષભાઇ પરિવાર સાથે ગયા હતા. તેમનો પુત્ર આશિષ પોતાના મોબાઈલમાં ગીતો વગાડતો હોય સરપંચને ગમ્યું ન હતું. સરપંચે તેને માર મારતા પિતાએ પોલીસ મથકે ફરિયાદ નોંધાવી હતી. જેની રીસ રાખી સરપંચ તેના ભાઈ અજય અને અન્ય આરોપીએ ફરિયાદી શૈલેશભાઈને ફટકાર્યા હતા. આટલેથી સરપંચ, તેના ભાઈ અને 7 આરોપીઓએ નહિ અટકી ફરિયાદી શૈલેષભાઇ સાથે ગયેલા રતિલાલ વસાવાને રાતે બાઇક ઉપર આંતર્યા હતા.તલવાર, લોખંડની પાઇપો વડે જીવલેણ હુમલો કરતા અન્ય ગ્રામજનોએ તેમને બચાવ્યા હતા. ઇજાગ્રસ્તની હાથ અને પગની નશો કપાઈ જતા ભરૂચ સિવિલ ત્યાંથી વડોદરા સયાજી અને વધુ સારવાર માટે અમદાવાદ સિવિલમાં ખસેડાયા હતા.શૈલેષભાઇ અને રતિલાલ વસાવાએ નેત્રંગ પોલીસ મથકે સરપંચ મનોજ વસાવા, અજય વસાવા, સચિન, પ્રભુ, વિશાલ, લક્ષ્મણ અને કમલેશ વસાવા સામે બે અલગ અલગ ફરિયાદ નોંધાવી હતી.
વિડિઓ જર્નાલિસ્ટ મિતેષ આહીર સાથે સત્યા ટીવી નેત્રંગ
