વાગરા ની માધ્યમિક અને કુમાર શાળા ના છાત્રોએ નગર માં રેલી કાઢી જનજાગૃતિ લાવવા પ્રયાસ કર્યો
વાગરા ફોરેસ્ટ ઓફીસ અને પશુ દવાખાના માં ઘાયલ પક્ષીઓને બચાવવા કન્ટ્રોલ રૂમ શરૂ કર્યો
વન વિભાગ દ્ધારા કરુણા અભિયાન રેલી વાગરા નગર માં કાઢવામાં આવી હતી.અભિયાન માં માધ્યમિક અને કુમાર શાળા ના વિદ્યાર્થીઓએ પ્લેકાર્ડ અને સૂત્રો પોકારી લોકો ને જાગૃત કરવાનો પ્રયાસ કર્યો હતો.વાગરા ફોરેસ્ટ ઓફીસ અને પશુ દવાખાના માં ઘાયલ પક્ષીઓને બચાવવા કન્ટ્રોલ રૂમ શરૂ કરવામાં આવ્યો છે.
ઉતરાણ પર્વ ને ધ્યાને લઇ વાગરા નગર માં માં વન વિભાગ દ્ધારા પક્ષીઓ ને બચાવવા કરુણા અભિયાન હાથ ધરવામાં આવ્યુ હતુ.પતંગ ની દોરી થી ઘાયલ પક્ષીઓને સમય સર સારવાર મળી રહે તેમજ તેને સુરક્ષિત સ્થળે ખસેડી શકાય એ માટે ખાસ મુહિમ ફોરેસ્ટ વિભાગ ચલાવી રહયુ છે.જેના ભાગરૂપે વાગરા નગર માં માધ્યમિક સ્કૂલ તેમજ કુમાર શાળા ના બાળકો એ કરુણા રેલી કાઢી હતી.વિદ્યાર્થીઓ એ પ્લેકાર્ડ દર્શાવી અને સૂત્રો પોકારી નગરજનોમાં જાગૃતિ લાવવાનો પ્રયાસ કર્યો હતો.તો બીજી તરફ કરુણા અભિયાન ને સફળ બનાવવા તાલુકા ની શાળાઓમાં ચાઈનીઝ,સિન્થેટિક અને કાચ પીવડાવેલ દોરી નો ઉપયોગ નહીં કરવા વિદ્યાર્થીઓને પ્રતિજ્ઞા લેવડાવવા માં આવી હતી.ઘાયલ પક્ષીઓની સારવાર અર્થે વાગરા વન વિભાગ ની કચેરી તેમજ પશુ દવાખાના માં કન્ટ્રોલ રૂમ કાર્યરત કરવામાં આવ્યો છે.જો કોઈક ઘાયલ પક્ષી દેખાય તો રેન્જ ફોરેસ્ટ ઓફિસર ના મોબાઈલ નંબર ૯૭૨૪૭૦૭૯૦૭ અને પશુચિકિત્સક ના મોબાઈલ નંબર ૭૦૪૬૭૦૦૨૬૨ ના ઉપર કોલ કરી પક્ષીઓને બચાવવા આર.એફ.ઓ વી.વી.ચારણ એ લોકોને અપીલ કરી હતી.કરુણા રેલીમાં વનપાલ ઓ.એસ.મિશ્રા,એ.આઈ. નિયાતર,એન ટી પગોર અને શિક્ષકો જોડાયા હતા.જર્નાલિસ્ટ ઝફર ગડીમલ સાથે સત્યા ટીવી વાગરા
