નર્સરીમાં કામ કરતા વ્યક્તિ ઉપર અજાણ્યા શખ્શે અંધાધુંધ ફાયરિંગ કર્યું
૫૫ વર્ષીય રામ ઈશ્વર શાહ ઉપર અજાણ્યા શખ્શોએ ફાયરિંગ કર્યું
સવારે 6.45 વાગે ઘટના બની
ગાયત્રી ફ્લેટ સામે દરગાહ નજીક ગોળોબાર કરાયો
રામ ઈશ્વર શાહને છાતી અને માથા ભાગે ઈજાઓ પહોંચી
ઇજાગ્રસ્તને સિવિલ હોસ્પિટલ ખસેડાયા
પોલીસને ઘટનાસ્થળથી ૪ બુલેટ મળી આવી
ભરૂચના મક્તમપુર વિસ્તારમાં ફાયરિંગની ઘટના સામે આવી છે. નર્સરીના માલિક ઉપર અજાણ્યા શખ્શે આડેધડ ફાયરિંગ કર્યું છે.હજુ સુધી આ ગોળીબાર પાછળનું કારણ ને હુમલાખોરો વિષે કોઈ માહિતી સામે આવી નથી.ઇજાગ્રસ્ત રામ ઈશ્વર શાહના પુત્ર લલન શાહે ગામમાં બનેલ જૂની ઘટનાની અદાવતમાં બની હોવાનું પ્રાથમિક અનુમાન લગાવ્યુ હતું.ભરૂચ ના મકતમપુર ગામના દરગાહ નજીક આજરોજ સવારે 6 .45 વાગે કુદરતી હાજત એ ગયેલા નર્સરીમાં કામ કરતા ૫૫ વર્ષીય રામ ઈશ્વર શાહ ઉપર અજાણ્યા શખ્શોએ ફાયરિંગ કર્યું છે.જેમાં રામ ઈશ્વર શાહને છાતી અને માથા ભાગે ઈજાઓ પહોંચી હતી.ઇજાગ્રસ્તને ગંભીર હાલતમાં ભરૂચની સિવિલ હોસ્પિટલ ખસેડાયા હતા જ્યાં વધુ સારવાર માટે વડોદરા ખાતે ખસેડવામાં આવ્યો છે. આ ઘટનાની પોલીસ વિભાગ ને થતા ભરૂચ સી ડિવિઝન પોલીસ ઘટના સ્થળે દોડી આવી તપાસ કરતા પોલીસને ૪ ફુટેલી બુલેટ મળી આવી હતી. પોલીસે ઘટના સ્થળેથી ફૂટેલી બુલેટ મેળવી તપાસ કરી ફાયરિંગ કરનાર તત્વોને શોધખોળ આરંભી છે.
