કર્ણાટકના રાયચુર બાદ હવે મેંગલુરુમાં માસૂમ બાળકોને નશામાં ચોકલેટમાં નશીલી દવા વેચવાની ઘટના સામે આવી છે. આ મામલો એવા સમયે પ્રકાશમાં આવ્યો જ્યારે બાળકોને આ પ્રકારની ચોકલેટ ખૂબ જ પસંદ હતી અને તેઓ માતા-પિતા પાસે આ ચોકલેટ જ ખાવાની માંગ કરી રહ્યા હતા. જ્યારે માતા-પિતાને આ અંગે કંઇક ખોટું લાગ્યું તો આ સમગ્ર મામલાનો પર્દાફાશ થયો હતો. આ કેસમાં કર્ણાટકની મેંગલુરુ ઉત્તર પોલીસે બે દુકાનોના માલિકોની ધરપકડ કરી છે.
એક ખાનગી વેબસાઈટ મુજબ આ પ્રકારની ચોકલેટ બાળકોને ખૂબ જ સ્વાદિષ્ટ લાગતી હતી કે જેમાં ગાંજો હતો. આશ્ચર્યની વાત એ છે કે દુકાનદારો ચોકલેટ દ્વારા બાળકોને ગાંજો આપી રહ્યા હતા. આ દરમિયાન માતા-પિતા તેને ખાનારા બાળકોના વર્તનમાં ફેરફાર જોઈ રહ્યા હતા. વિગતો મુજબ દુકાનદારો આ ચોકલેટ રૂ.20ના ભાવે વેચતા હતા. બાળકો વારંવાર આની માંગણી કરતા હતા. આમાં કંઇક ખોટું થયાની જાણ થતાં પોલીસમાં ફરિયાદ કરવામાં આવી હતી.
