ગોંડલમાં બગીચામાં અકસ્માત, બાળક હિંચકામાં બેસતા પટકાઇ પડતા થયું મોત.

બાળકોને બગીચામાં લઇ જતા માતા-પિતા માટે ચેતવણીરૂપ કિસ્સો સામે આવ્યો છે. ગોંડલમાં બગીચામાં અકસ્માત બન્યો હતો. જેમાં પાંચ વર્ષનો બાળક હિંચકા ખાવા હિંચકામાં બેસવા ગયો હતો આ વેળાએ એકાએક હિંચકામાંથી પટકાઇ પડતા બાળકને ગંભીર ઇજા થવા પામી હતી. જેને લઈને દેકારો બોલી ગયો હતો. આ દરમિયાન બાળકને માથાના ભાગે ગંભીર ઇજા પહોંચતા બાળકની લોહીલુહાણ હાલત થઈ હતી.જેનું સારવાર દરમિયાન મોત થયું હતું.