ફિરોઝ નડિયાદવાલાના પ્રોડક્શનમાં બનેલી ફિલ્મ વેલકમ (Welcome) લોકોને ખૂબ જ પસંદ આવી હતી. આ ફિલ્મ વર્ષ 2007માં રિલીઝ થઈ હતી, જેમાં અક્ષય કુમાર, નાના પાટેકર, અનિલ કપૂર, પરેશ રાવલ અને બીજા ઘણા મોટા સ્ટાર્સ હતા. લોકોને આ ફિલ્મ ખૂબ જ પસંદ આવી, ત્યારપછી વર્ષ 2015માં મેકર્સ તેનો બીજો ભાગ એટલે કે વેલકમ બેક લઈને આવ્યા. સાથે જ વેલકમ 3 પણ આવવાની છે.
વેલકમ 3 વિશે છેલ્લા કેટલાક સમયથી ચર્ચા શરૂ થઈ છે. કેટલાક રિપોર્ટ્સમાં કહેવામાં આવ્યું હતું કે આ વખતે આ ફિલ્મમાં નાના પાટેકર અને અનિલ કપૂર નહીં, પરંતુ સંજય દત્ત અને અરશદ વારસી જોવા મળશે. આ સાથે જ ફિલ્મની રિલીઝ ડેટ પણ સામે આવી ગઈ છે. લોકોને આ ફિલ્મ જોવા માટે એક વર્ષથી વધુ રાહ જોવી પડશે. મેકર્સ ક્રિસમસ 2024ના અવસર પર વેલકમ 3 રિલીઝ કરશે. વેલકમ 3 વેલકમ ટુ ધ જંગલના ટાઈટલ સાથે રિલીઝ થશે.
ફિલ્મના પહેલા ભાગમાં કેટરિના કૈફ અને બીજા ભાગમાં શ્રુતિ હાસન મુખ્ય ભૂમિકામાં હતી. હવે જોવાનું એ રહેશે કે આ વખતે લીડ એક્ટ્રેસના રોલમાં કોણ જોવા મળે છે. નામ હજુ જાહેર થયું નથી. જો કે, વેલકમ ટુ ધ જંગલ પહેલા, અક્ષય કુમાર અને સંજય દત્ત હેરા ફેરી 3માં પણ સાથે સ્ક્રીન શેર કરવા જઈ રહ્યા છે.