ઉત્તર પ્રદેશના નોઈડામાં ક્રિકેટ મેચમાં રન લેવા દોડતી વખતે અચાનક હાર્ટ એટેકથી યુવકનું થયું મોત જુઓ વાયરલ વીડિયો;

ઉત્તર પ્રદેશના નોઈડામાં ક્રિકેટ મેચ રમી રહેલા એક યુવકનું દોડતી વખતે અચાનક હાર્ટ એટેકથી મોત થઈ ગયું.આ ઘટના પોલીસ સ્ટેશન એક્સપ્રેસ વે વિસ્તારના સેક્ટર 135માં બની હતી. આ ઘટનાનો વીડિયો સોશિયલ મીડિયા પર પણ વાયરલ થઈ રહ્યો છે. આ ઘટના 6 જાન્યુઆરી શનિવારના રોજ બની હતી. કહેવાય છે કે નોઈડાના સેક્ટર-135માં બનેલા સ્ટેડિયમની અંદર કેટલાક લોકો મેચ રમી રહ્યા હતા. આ દરમિયાન મૂળ ઉત્તરાખંડનો 36 વર્ષીય વિકાસ નેગી બેટિંગ કરવા આવ્યો હતો. રમત દરમિયાન નોન-સ્ટ્રાઈક છેડે ઉભો રહેલો વિકાસ રન લેવા દોડ્યો, પરંતુ જ્યારે તે અડધી પીચ પર પહોંચ્યો ત્યાં સુધીમાં બોલ બાઉન્ડ્રીની બહાર ગયો અને ચાર રન થઈ ગયા. અડધી પીચમાંથી નોન-સ્ટ્રાઈક એન્ડ તરફ પરત ફરતી વખતે વિકાસ અચાનક પડી ગયો હતો.વિકાસને પડતા જોઈ તેના સાથી ખેલાડીઓ તેની પાસે દોડી આવ્યા હતા. બેભાન અવસ્થામાં તેને નજીકની હોસ્પિટલમાં લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો.