ભરૂચ મહાદેવ નગરમાંથી વિદેશી દારૂ ઝડપાયો
બોલેરો પીકઅપમાંમાંથી મળી આવ્યો વિદેશી દારૂ
પોલીસે સવા 6 લાખ ઉપરાંતનો મુદ્દામાલ કર્યો કબ્જે
પોલીસે બે બુટલેગરની કરી અટકાયત
ભરૂચ LCB પોલીસે મહાદેવનગર સોસાયટીમાં બોલેરો પીકઅપમાં ચોર ખાનામાં સંતાડેલ વિદેશી દારૂના રૂપિયા સવા 6 લાખ ઉપરાંતના વિદેશી દારૂના મુદ્દામાલ સાથે બે બુટલેગરને ઝડપી પાડી આગળની વધુ તપાસ હાથ ધરી છે.
ભરૂચ લોકલ ક્રાઇમ બ્રાન્ચનો સ્ટાફ પેટ્રોલિંગમાં હતો તે દરમિયાન બાતમીદારથી બાતમી મળી હતી કે ભરૂચ શહેરના સી ડિવિઝન પોલીસ મથકની હદમાં આવેલ મહાદેવ નગર સોસાયટીમાં બોલેરો પીકઅપ ગાડી નંબર MH-15-GV-8572ના ચોરખાના દારૂ સંતાડેલ છે. અને આ વિદેશી દારૂ કુખ્યાત બુટલેગર નિલેશ વિનોદ મીસ્ત્રીનો છે. સાથે જ ધ્રુવ ઉર્ફે જીનુ નીલેષ પટેલ તથા પીન્ટુ સુંદરલાલ મીસ્ત્રી તેને ગાડીના ચોર ખાનામાં સંતાડી લાવેલ છે. જેથી પોલીસે બાતમીવારી બોલેરો ગાડી પાસે આવી દરોડા પાડયા હતા પોલીસે ઘટના સ્થળેથી વિદેશી દારૂ અને બોલેરો ગાડી મળી 6 લાખ 39 હજાર 830નો મુદ્દામાલ ઝડપી પાડયો હતો. LCB પોલીસે બુટલેગર ધ્રુવ ઉર્ફે જીનુ નીલેષ પટેલ તથા પીન્ટુ સુંદરલાલ મીસ્ત્રીને ઝડપી પાડી સી ડિવિઝન પોલીસ મથકે જેલભેગા કર્યા હતા. અને કુખ્યાત બુટલેગર નિલેશ વિનોદ મીસ્ત્રીને વોન્ટેડ જાહેર કરી આગળની વધુ તપાસ હાથ ધરી છે.
