રાજસ્થાનથી મુસાફરો ફરી સુરત આવી રહ્યા હતા
સુરત આવી રહેલ બસને નડ્યો અકસ્માત
અંદાજિત 15 જેટલા મુસાફરો હતા સવાર
બસનું ટાયર ફાટી જતાં સ્ટેરીંગ પરનો કાબૂ ગુમાવ્યો
રાજસ્થાનથી મુસાફરો ફરી સુરત આવી રહેલ બસને કામરેજના લાડવી અને કોસમાડા ગામ વચ્ચે અકસ્માત નડ્યો હતો.
બસનું ટાયર ફાટી જતાં ચાલકે સ્ટેરીંગ પરનો કાબૂ ગુમાવ્યો હતો.અને બસ સીધી કેનાલમાં ખાબકી હતી.જેને લઇને બસમાં સવાર અંદાજિત 15 જેટલા મુસાફરોના જીવ પડીકે બંધાયા હતા અને બૂમાબૂમ કરી હતી.બનાવને પગલે અન્ય વાહન ચાલકો તેમજ આજુબાજુ ગામના લોકો સ્થળ પર દોડી ગયા હતા.અને કામરેજ પોલીસ અને કામરેજ ફાયર વિભાગની ટીમની મદદથી મુસાફરોને હેમખેમ બહાર કાઢ્યા હતા.બનેલ અકસ્માતની ઘટનામાં મુસાફરોને સામાન્ય ઈજાઓ પહોંચતા હાજર 108ની ટીમ દ્વારા સારવાર આપવામાં આવી હતી
