તમિલમાં ‘કંગુવા’ નો અર્થ ‘આગ’ થાય છે અને ટ્રેલર તેના નામ જેવું જ છે. એક જંગલની વાર્તા બે લોકો વચ્ચે શરૂ થાય છે અને ફિલ્મ સંપૂર્ણપણે તેના પર આધારિત હોય તેવું લાગે છે. બોબી દેઓલ ટ્રેલરમાં સૂર્યા ભારે પડી રહ્યો છે. તેની લોહીથી ભરેલી આંખો જોઈને કોઈપણ વ્યક્તિ કંપી જાય.ટ્રેલર ખરેખર ખુબ ખતરનાક છે. જ્યારે રણબીર કપૂરની ‘એનિમલ’નું ટ્રેલર બહાર આવ્યું ત્યારે લોકોએ સંદીપ રેડ્ડી વાંગાના ખૂબ વખાણ કર્યા. એવું કહેવામાં આવ્યું હતું કે ફિલ્મના ટ્રેલરને આ રીતે કાપવા જોઈએ. Kanguva માટે પણ એવું જ કહી શકાય.
‘કંગુવા’ તમિલ સિનેમાની આગામી મોટી ફિલ્મ બની શકે છે અને તેમાં માત્ર રાષ્ટ્રીય જ નહીં પણ વૈશ્વિક સફળતા મેળવવા માટેના તમામ ઘટકો છે. અહેવાલ મુજબ રૂ. 350 કરોડથી વધુના બજેટમાં બનેલી આ મોટા બજેટની ફિલ્મ દશેરા પર રિલીઝ માટે તૈયાર થઈ રહી છે. સુર્યા, બોબી અને દિશા ઉપરાંત ‘કંગુવા’માં જગપથુ બાબુ, નેટી નટરાજન, કેએસ રવિકુમાર અને કોવઈ સરલા પણ છે. આ ફિલ્મ લગભગ બે ડઝન ભાષાઓમાં 3D અને IMAX ફોર્મેટમાં રિલીઝ થવાની પણ અપેક્ષા છે.
