અંકલેશ્વરમાં વિકાસ સપ્તાહની ઉજવણી:MLA ઈશ્વરસિંહ પટેલની ઉપસ્થિતિમાં વિવિધ કાર્યક્રમો યોજાયા હતા
અંકલેશ્વર નગર સેવા સદન દ્વારા વિકાસ સપ્તાહની ઉજવણી કરવામાં આવી હતી. આ કાર્યક્રમમાં ધારાસભ્ય ઈશ્વરસિંહ પટેલ ઉપસ્થિત રહ્યા હતા.વડાપ્રધાન નરેન્દ્ર મોદીના મુખ્યમંત્રી અને પ્રધાનમંત્રી તરીકેના શાસનના ૨૪ વર્ષ પૂર્ણ થવા નિમિત્તે રાજ્ય સરકાર દ્વારા વિકાસ સપ્તાહની ઉજવણી થઈ રહી છે. આ અંતર્ગત અંકલેશ્વર નગર સેવા સદને વિવિધ કાર્યક્રમોનું આયોજન કર્યું હતું.આ પ્રસંગે ધારાસભ્ય ઈશ્વરસિંહ પટેલના હસ્તે અંકલેશ્વર નગર સેવા સદનના વિવિધ વિસ્તારોમાં નિર્માણ પામનાર આર.સી.સી. રોડ અને પેવર બ્લોકના કામોનું ખાતમુહૂર્ત કરવામાં આવ્યું હતું.ત્યારબાદ શારદા ભવન ટાઉન હોલમાં પી.એમ. સ્વનિધિ યોજના હેઠળ ચેક વિતરણનો કાર્યક્રમ યોજાયો હતો.આ સાથે સફાઈ કર્મીઓને સેફટી કીટનું પણ વિતરણ કરવામાં આવ્યું હતું.આ કાર્યક્રમમાં અંકલેશ્વર નગર સેવા સદનના પ્રમુખ લલીતાબહેન રાજપુરોહિત, ઉપપ્રમુખ ભાવેશ કાયસ્થ, કારોબારી અધ્યક્ષ નિલેશ પટેલ, ચીફ ઓફિસર કેશવ કોલડીયા, અંકલેશ્વર શહેર ભાજપના પ્રમુખ ધર્મેન્દ્ર પુષ્કરણા સહિતના આગેવાનો અને નગરજનો મોટી સંખ્યામાં ઉપસ્થિત રહ્યા હતા.
કરણસિંહ અંકલેશ્વર
