અંકલેશ્વર નેશનલ હાઇવે ઉપર રીક્ષા ચાલકને અજાણ્યા વાહને ટક્કર મારતા અકસ્માત
રિક્ષાચાલકનું ટૂંકી સારવાર બાદ કરુણ મોત
અકસ્માત અંગે તાલુકા પોલીસે ગુનો નોંધી તપાસ હાથ ધરી
અંકલેશ્વર નેશનલ હાઇવે ઉપર રોઝ ગાર્ડન હોટલ પાસે રીક્ષા ચાલકને અજાણ્યા વાહને ટક્કર મારતા તેઓનું ટૂંકી સારવાર બાદ કરુણ મોત નીપજ્યું હતું
અંકલેશ્વર તાલુકાના ઉમરવાડા ગામના નુરનગરમાં રહેતા 55 વર્ષીય ઇબ્રાહિમ મુસા ગંગાત પોતાની રીક્ષા નંબર-જી.જે.16.વાય.6225 લઈ ધામરોડ સી.એન.જી.પંપ ઉપર સી.એન.જી. પુરાવવા ગયા હતા તેઓ પરત અંકલેશ્વર તરફ આવી રહ્યા હતા રોઝ ગાર્ડન હોટલ પાસે પાછળથી પુરપાટ ઝડપે ધસી આવેલ અજાણ્યા વાહને રિક્ષાને ટક્કર મારતા ઇબ્રાહિમભાઈને માથાના ભાગે ગંભીર ઇજાઓ પહોંચી હતી ઇજાઓને પગલે ઇજગ્રસ્તને પ્રથમ સારવાર માટે ખરોડ બાદ વધુ સારવાર માટે સુરતની ખાનગી હોસ્પિટલમાં ખસેડવામાં આવ્યા હતા જ્યાં ગત રોજ સવારે તેઓનું ટૂંકી સારવાર બાદ કરુણ મોત નીપજ્યું હતું અકસ્માત અંગે તાલુકા પોલીસે ગુનો નોંધી તપાસ હાથ ધરી છે.
વિડિઓ જર્નાલિસ્ટ ધર્મેન્દ્ર પ્રસાદ સાથે સત્યા ટીવી અંકલેશ્વર
