અંકલેશ્વર-ભરૂચ વચ્ચે આવેલ છાપરા પાટિયા પાસે કાર ચાલકે એક્ટિવા સવાર દંપતીને અડફેટે લેતા તેઓને ઇજાઓ પહોંચી હતી
અંકલેશ્વરના નવા દિવા ગામના સમજી ફળિયામાં રહેતી 19 વર્ષીય અંજલિબેન રાહુલ વસાવા પોતાના પતિ સાથે મિત્ર અજય વસાવાની એક્ટિવા નંબર-જી.જે.16.ડી.બી.1446 લઇ છાપરા ગામે રહેતી તેણીની બહેનના ઘરે જઈ રહ્યા હતા તે દરમિયાન ભરૂચ-અંકલેશ્વર જુના હાઇવે ઉપર છાપરા પાટિયા પાસે માર્ગ ઓળંગી રહ્યા હતા તે વેળા ભરૂચ તરફથી પુરપાટ ઝડપે ધસી આવેલ કાર નંબર-જી.જે.16.સી.એસ.7639ના ચાલકે એક્ટિવાને ટક્કર મારતા અકસ્માત સર્જાયો હતો આ અકસ્માતમાં દંપતીને ઈજાઓ પહોંચતા તેઓને તાત્કાલિક સારવાર અર્થે 108 સેવાની મદદ વડે ભરૂચ સિવિલ હોસ્પિટલમાં ખસેડવામાં આવ્યા છે અકસ્માત અંગે શહેર પોલીસે ગુનો નોંધી તપાસ હાથ ધરી છે.
