ભરૂચ SOG પોલીસે 1.6 લાખ ઉપરાંત મુદ્દામાલ સાથે કરી ધરપકડ
સુરતનો વધુ એક અજાણ્યા ઈસમને કરાયો વોન્ટેડ જાહેર
શહેર પોલીસે ગુનો નોંધી હાથ ધરી વધુ તપાસ
ભરૂચ SOG પોલીસે અંકલેશ્વર શહેરના ભાટવાડમાંથી 10 કિલો ઉપરાંત ગાંજાના જથ્થા સાથે એક ઈસમને ઝડપી પાડી રૂપિયા એક લાખ 6 હજાર ઉપરાંતના મુદ્દામાલને કબ્જે કરી આગળની વધુ તપાસ હાથ ધરી છે.
ગુજરાત પોલીસે નશામુક્ત ગુજરાતની નેમ સાથે ગેરકાયદેસર પ્રવુતિ પર કમર કશી છે. જે અનુસંધાને ભરૂચ SOG પોલીસે અંકલેશ્વરના 309 જુનેદ કોમ્પ્લેક્સ ભાતવાડ ગુજરાત હાઉસિંગ બોર્ડ ખાતે રહેતા મોહમદ સોયેબ અબ્દુલગની શેખના નિવાસ સ્થાને છાપો માર્યો હતો. જેમાં SOG પોલીસને ઘરમાં આવેલ પલંગની આગળના ખૂણામાંથી સફેદ કલરની મીણીયા થેલીમાં તથા પેટી પલંગમાંથી બે સેલોટેપ વટાળેલાં પેકેટોમાં વનસ્પતિજન્ય માદક પદાર્થ ગાંજો 10 કિલો 106 ગ્રામ મળી આવ્યો હતો.
જેની પુછપરછમાં આ જથ્થો અન્યને વેચાણ અર્થે આપવા સુરતના અશ્વિનીકુમાર ઝુપડપટ્ટીમાંથી અજાણ્યા ઈસમે આપ્યો હવાની કબૂલાત કરી હતી. SOG પોલીસે 10 કિલો 106 ગ્રામ ગાંજાનો જથ્થો કિંમત રૂપિયા એક લાખ એક હજાર 60 તથા મોબાઈલ અને અન્ય સમાન મળી એક લાખ 6 હજાર 360નો મુદ્દામાલ કબ્જે કરી આરોપી મોહમદ સોયેબ અબ્દુલગની શેખને શહેર પોલીસના હવાલે કરી વધુ એક અજાણ્યા ઈસમને વોન્ટેડ જાહેર કરી આગળની વધુ તપાસ હાથ ધરી છે.
વિડીયો જર્નાલિસ્ટ સુનિલ પરમાર સાથે સત્યા ટીવી અંકલેશ્વર
