ભારત સરકારે 1 ઓક્ટોબરના રોજ દેશમાં 5G સેવા શરૂ કરી હતી. જયારે, Jio એ પણ હાલમાં 4 શહેરોમાં તેની 5G સેવા શરૂ કરી છે. પરંતુ છેલ્લા 24 કલાકમાં તમામ ટેલિકોમ ઓપરેટરોની સેવામાં સમસ્યા છે. ઈન્ટરનેટ ચલાવવાથી લઈને કોલ કરવા સુધીની તમામ સુવિધાઓ ખોરવાઈ રહી છે.
Jio, Airtel અને VodaFone આઈડિયાના યુઝરો નેટવર્ક સમસ્યાનો સામનો કરી રહ્યા છે. istheservicedown.in ના સર્વેમાં સામે આવ્યું છે કે jio અને એરટેલના નેટવર્કમાં સમસ્યા છે. જ્યાં 7 ઓક્ટોબરના રોજ સવારે 9:30 વાગ્યાથી રિલાયન્સ જિયો યુઝર્સને મુશ્કેલીનો સામનો કરવો પડી રહ્યો છે. જયારે, એરટેલ ઇન્ડિયાનું નેટવર્ક સવારે 9:50 વાગ્યાથી ડાઉન છે.
દિલ્હી એનસીઆરના ઘણા વિસ્તારોમાં, યુઝરોએ આ નેટવર્ક્સ પર કૉલ ડ્રોપ્સ અને કૉલ કનેક્શનને લગતી સમસ્યાઓનો ઉલ્લેખ કર્યો છે. ફોન રણકતો હોય તો પણ સામેની વ્યક્તિનો અવાજ આવતો નથી.ઇન્ટરનેટ કનેક્શનમાં પણ સમસ્યા છે.
હાલના દિવસોમાં કંપનીઓ તેમના નેટવર્કને 4G થી 5G માં શિફ્ટ કરી રહી છે. નેટવર્ક સ્થળાંતર માટે ટાવરમાં કેટલાક ફેરફારો છે. આ સાથે, સમગ્ર નેટવર્ક પરીક્ષણ પ્રક્રિયામાં રહે છે. તેથી અમને નેટવર્ક સમસ્યા છે. હવે જોવાનું એ રહે છે કે યુઝર્સ આ પ્રકારની સમસ્યાનો ક્યાં સુધી સામનો કરી શકે છે.
જણાવી દઈએ કે 5 ઓક્ટોબરે જિયોએ વારાણસી સહિત 4 મહાનગરોમાં તેની 5G સર્વિસનું બીટા ટેસ્ટિંગ શરૂ કર્યું છે. જયારે, 5G ની શરૂઆત સાથે, એરટેલે તેની 5G સેવાઓ 8 શહેરોમાં રોલઆઉટ કરવાનું શરૂ કર્યું છે.
